LEXO PA REKLAMA!

SHKARKO APP

Bardhi akuza Ramës/ “Përgjegjës për dëmin 120 milionë euro, të dalë para drejtësisë”

27 Gusht 2021, 08:51, Politikë CNA

Sekretari i Përgjithshëm i PD, Gazment Bardhi ka akuzuar kryeministrin Edi Rama për dëmin ekonomik prej 120 milionë euro pas gjyqit me sipërmarrësin italian Francesco Becchetti.

Përmes një postimi, Bardhi shprehet se Rama ka gënjyer kur ka premtuar se nuk do të paguhet asnjë lekë për luftën e tij me Becchettin.

Sipas Bardhit i gjithë ky dëm ekonomik rëndon mbi familjet shqiptare dhe se ata që janë përgjegjës duhet të shkojnë para drejtësisë.

?Në traditën e këtij regjimi të korruptuar, premtimet e Ramës se nuk do të paguajmë asnjë lek për luftën e tij me Becchettin, rezultuan të gënjeshtërta.

Dëmi ekonomik prej 120 milionë euro që Edi Rama i ka shkaktuar familjeve shqiptare për luftën e tij personale me sipërmarrësin italian, është i parikuperueshëm, prandaj ata që kanë përgjegjësi për këtë faturë të rëndë për Shqipërinë dhe shqiptarët, duhet të dalin  para drejtësisë.

Në 8 prill 2021, Partia Demokratike ka depozituar në SPAK kallëzimin për çështjen Becchetti. Faktet dhe provat janë të mjaftueshme që drejtësia  të hetojë dhe të vërë para përgjegjësisë penale të gjithë ata që kanë abuzuar me pushtetin, duke shkaktuar këtë dëm të madh ekonomik për familjet shqiptare?, shprehet Gazment Bardhi./ CNA.al

Lajmet e fundit nga