E fundit!

10:19 Politikë

"Qeveria nuk po shet tokë"/ Rama për "Al Jazeera": Investimi 4 miliardë euro është bekim për vendin

Kryeministri Edi Rama ka folur për mediat e huaja lidhur m...

Statusi i fundit/ A po lëshon mandatin e deputetit Erjon Braçe?

26 Gusht 2021, 13:14, Politikë CNA

“Gjithçka e ka një fund. Pas 24 vitesh në shërbim të njerëzve në nevojë.”

Erjon Braçe ka prej 24 vitesh deputet. Ky afat konfirmohet nga teksti i statusit të tij më të fundit.

Dikur gazetar i Zërit të Popullit, Erjon Braçe nuk mori dhe as nuk ju ofrua ndonjë post në qeveritë e majta, deri në ditën kur Edi Rama e bëri pjesë të kabinetit të tij.

Si Zëvendëskryeministër, Erjon Braçe nuk refuzoi kurrë ndonjë akt të miratuar në qeverinë e Ramës.

Megjithëse i identifikuar si grindavec, gjatë mandatit të parë të Ramës, menjëherë me emërimin si Zëvendës i Ramës, vijoi traditën e nënshkrimit, në mungesë dhe me porosi, të të gjitha akteve të Këshillit të Ministrave.

Dhe u bë “tmerri” i zyrtarëve të tatimeve dhe doganave, sepse ju shkonte në 8 të mëngjesit e ju kontrollonte orarin e mbërritjes në punë.

Nuk ka asnjë nismë, reformë apo skemë të ngritur dhe të venë në punë si ide e Braçes.

Braçe vijoi vrapin e vet të mëngjeseve në liqenin artificial dhe rregullisht vazhdonte të hidhte në facebook statuse grindavece, që acaronin socialistët dhe bënin për të qeshur demokratët.

Dje pasi Rama deklaroi që javën e ardhshme do deklarohet kabineti i çeljes së mandatit të tretë, Braçe lëshoi një status që më pas shumë vrapuan ta citonin si “dorëheqje” nga posti i Zëvendëskryeministrit!

Por Erjon Braçe nuk foli për 2 vite kontribute dhe lumturi në shërbim të shqiptarëve.

Foli për 24 të tilla.

Dhe Braçe nuk ka 24 vjet në qeveri!

Por vetëm dyckë!

Pse sot vrapoi të mesazhonte nevojën për vaksinim (e ka bërë dhe herë tjeter këtë, ndaj s’kishte ndonjë gjë të re)?

Pse Braçe nuk sqaron arsyet e mungesës së firmës së tij ne vendimet e Këshillit të Ministrave për një periudhë 2 mujore pak ditë pas mbylljes së zgjedhjeve të 25 Prillit?

Ai refuzim kish lidhje me përmbajtjen e atyre vendimeve të atyre 2 muajve, apo rikthimi i Braçes me nënshkrimin sërish si Zëvendëskryeministër kish lidhje me përmbajtjen e Vendimeve të pas dy muajve vetëpezullimi?

Përpara se të deklarojë fundin e vet, pas 24 viteve në politikë.

Por një gjë është e sigurtë.

Fenomeni “Braçe” u shfry ditën që Braçe u ul për herë të parë në një zyrë shteti, ku i duhej të formoste jo thjesht si gazetar apo si deputet opozite.

Për këtë u deshën 24 vjet!/CNA.al

FAKE NEWS/ Braçe s?ka dhënë dorëheqjen, Rama e ka shkarkuar

“Ka një fund”/ Erion Braçe njofton largimin nga Qeveria