CNA.al zbulon nënkryetarin e tretë të PD dhe zyrtaren e re të Bashës

28 Gusht 2021, 19:23, Politikë CNA

CNA.al zbulon nënkryetarin e tretë të PD dhe zyrtaren e re

Shtatori do të sjellë zhvillime të forta nga të dyja kampet politike.

CNA.al ka mësuar lëvizjet që do të ndodhin të hënën në mbledhjen e Këshillit Kombëtar ku pritet të zgjidhet pasuesi i Bujar Nishanit, Kryesia e re, Sekretariatet, Departamentet, por edhe organet e tjera brenda partisë.

Më herët CNA.al zbuloi se dy personat që pritet të lëvizin, janë dy nënkryetarët Edi Paloka dhe Edmond Spaho. Vendin e tyre me shumë gjasë do ta zënë Alfred Rushaj dhe Jorida Tabaku.

Pas Rushajt dhe Tabakut, CNA.al bën me dije se një nga vendet e nënkryetarëve do ta marrë deputetja Grida Duma. Pritet që edhe Ledina Mandia të marrë një post drejtues në Partinë Demokratike.

Lëvizje ?surprizë?, pritet që të ketë edhe në Departamente, ku Basha mund të bëjë edhe ?qokat? e tij.

Do ketë shumë emra që do rivalizojnë që nga Enkelejd Alibeaj, Kreshnik Çollaku, Ervin Salianji, Luçiano Boçi, Gazmend Koduzi, Bardh Spahia, Fitim Zekthi, Ina Zhupa, Orjola Pampuri e deri tek Flamur Noka apo Oerd Bylikbashi dhe Ivi Kaso.

Shumë nga emrat do jenë edhe personazhet që kanë pasur vullnetin më të madh dhe që kanë mbeshtetur Lulzim Bashën në çdo aksion dhe dështim të tij politik, me shumë gjasë do marrin ?shpërblimin? e tyre.

Po ashtu pritet të ketë, largime në të gjitha sekretariatet dhe kënaqësitë mund të plotësohen me departamente apo pozicione që mund të shpikë Lulzim Basha rrugës siç ishin këshilltarët e tij që shpalli ditën e nxjerrjes së listës të kandidatëve për deputetë.

Fakti i ndryshimeve që do bëhen në sekretariat, departamente etj do sjellë që shumë nga emrat aktualë të kryesisë të largohen, si Fatbardh Kadilli, Eno Bozdo, Florjon Mima, Endri Hasa etj.

Basha këtë herë do luajë me formatin e kryesisë të madhe dhe të vogël për të pasur më shumë kontroll në një rreth të ngushtë individësh që do jenë në sekretariate.

Ky i fundit, mesa duket do të vijojë të jetë Sekretar i Përgjithshëm i Partisë Demokratike, pavarësisht humbjes katastrofike që shënoi në Elbasan, si drejtues politik./ CNA.al

Lëvizjet e fundit në PD/ Rushaj dhe Tabaku nënkryetarë, Bardhi ruan postin