LEXO PA REKLAMA!

SHKARKO APP

App Store
Google Play

Vokshi akuza Ramës/ “Shëndetësia falas mashtrimi më i madh i tij”

28 Gusht 2021, 16:11, Politikë CNA
Vokshi akuza Ramës/ “Shëndetësia falas mashtrimi më i

Deputetja e Partisë Demokratike, Albana Vokshi ka akuzuar kryeministrin Edi Rama, duke thënë se shëndetësia falas është një tjëtër mashtrimi i madh i tij. Vokshi ka publikuar një raport nga EUROSTAT me të dhëna që tregojnë se sa u kushton shqiptarëve shpenzimi për shëndetin.

Sipas saj, reforma në Shëndetësi ishte veçse trumbetim, pasi u përdor si pretekst për të plaçkitur shqiptarët ne PPP-të korruptive.

“Të dhënat e fundit të EUROSTAT tregojnë se në raport me fuqinë blerëse, shpenzimet për shëndetin u kushtojnë shqiptarëve 34 herë më shumë se mesatarja e Bashkimit Europian. Pra vendi me të ardhurat më të ulëta në Europë, ka kostot më të larta për kujdesin për shëndetin.

A mund të jetë ?shëndetësia falas? më e shtrenjta në Europë? Patjetër që jo! Shqiptarët e provuan në xhepat e tyre dështimin e reformës të trumbetuar me forcë për kaq vite, që në të vërtetë nuk ishte gjë tjetër veçse një pretekst për të plaçkitur shqiptarët me PPP-të korruptive.

Koston e kësaj qytetarët e ndjenë edhe më shumë në kohë pandemie, ku dështimi u bë edhe më tragjik prej jetëve të humbura në raport me popullsinë për shkak të një sistemi shëndetësor të drobitur nga PPP-të, ndërkaq familjet shqiptare të braktisura në fatin e tyre, u detyruan të përballen me virusin duke hyrë në borxhe apo me kursimet e pakta.

Ky bilanc i zi është edhe arsyeja pse Edi Rama nuk lejon zgjedhje të lira, është arsyeja pse i masakron ato në bashkëpunim me klientët e tij dhe krimin e organizuar, sepse ai nuk e fiton dot kurrë besimin e qytetarëve që e kanë ndjerë dhe e ndjejnë në jetën e tyre të përditshme, peshën e tmerrshme të keqqeverisjes së tij të korruptuar”, shprehet Vokshi në deklaratën e saj./ CNA.al

Lajmet e fundit nga