LEXO PA REKLAMA!

SHKARKO APP

E fundit!

x

Përmbytjet tragjike në Gjermani dhe spekulimet me ndryshimin e klimës

20 Korrik 2021, 10:46, Blog CNA
Përmbytjet tragjike në Gjermani dhe spekulimet me ndryshimin e

Nga Ross Clark ?The Spectator?

Greta Tunberg ka deklaruar se përmbytjet në Gjermani, Belgjikë dhe Holandë, janë produkt i ndryshimit të klimës të shkaktuar nga njeriu, duke shtuar:?Ne jemi në fillim të krizës së klimës dhe të një emergjence ekologjike, dhe ngjarjet ekstreme të motit do të bëhen gjithnjë e më shumë të shpeshta?.

Epo, atëherë gjithçka është e zgjidhur. Vështirë se kemi nevojë që këtë të na e konfirmojë kancelaria gjermane Angela Merkel apo kryeministri i Holandës, Mark Rute. Dhe në fakt nuk kemi nevojë ta dëgjojmë as Majkëll Menin që të na thotë se përmbytjet janë mishërimi i gjallë i asaj për të cilën shkencëtarët e klimës na kanë paralajmëruar prej dekadash.

Ishte ndryshimi i klimës, ai që e përmbyti Gjermaninë, dhe për këtë nuk ka asnjë arsye për të zhvilluar ndonjë debat të mëtejshëm. Madje edhe të sugjerosh se duhet të ketë një debat mbi këtë temë, rrezikon të kategorizohesh si një ?mohues? i lig i ndryshimit të klimës, që synon të mbyllë sytë para realitetit vdekjeprurës, ndoshta për shkak të pagës që merr në ndonjë kompani nafte.

Veçse në mendjen sime ka një dallim të vogël zhgënjyes, që ndoshta duhet të kalonte gjithashtu edhe nëpër mendjet e Gretës dhe kancelares Merkel. Në vend se të parashikonin më shumë reshjeve gjatë stinës në verës në Rheinland, modelet e klimës kanë tentuar të bëjnë të kundërtën:të parashikojnë më pak reshje.

Sikur këto përmbytje të kishin ndodhur gjatë stinës së dimrit, do të kishte qenë e arsyeshme të pretendohej se ato ishin në përputhje me parashikimet afatgjata të klimës. Sikur ato të kishin ndodhur në Skandinavi apo në vendet baltike, mund të pretendohej se ishin në përputhje me parashikimet e ndryshimeve klimatike.

Por siç mund ta shihni nga harta e paraqitur nga Agjencia Evropiane e Mjedisit, parashikimi i qartë për pjesën e Gjermanisë Jugperëndimore, ashtu si dhe për Belgjikën dhe Holandën Jugore, është se stinat e verës do të bëhen më të thata.

Në fakt, kur Gjermani pati një verë të thatë vitin e kaluar, edhe ajo u shpjegua me ndryshimet klimatike. A mund të përfundojë Gjermania me verëra që janë zakonisht më të thata, por që megjithatë kanë ngjarje më të rënda të reshjeve të mëdha?

Të dy modelet nuk janë domosdoshmërisht të paqëndrueshme, përveçse nëse do të keni 2 muaj shi që bie në vetëm pak ditë, siç ndodhi në disa vende javën e kaluar, duke mos lënë shumë shi për pjesën tjetër të verës. Ndërkohë ekziston një shpjegim alternativ mbi  përmbytjet e javës së kaluar:që ato janë thjesht ngjarje atmosferike.

Në fakt, moti i keq ka shkaktuar përmbytje të ngjashme katastrofike në zonat aty pranë në vitin 1954, duke lënë pa shtëpi 10.000 gjermanë. Një proces i ngjashëm ndodhi me përmbytjet e vitit 2007 në Anglinë e Jugut.

Në fillim ministrat e qeverisë britanike folën për efektet e ndryshimit të klimës, një ?kokë turku? shumë e përshtatshme për t?u fajësuar, sepse kjo teori e tërhiqte vëmendjen nga dështimi për të siguruar dhe mirëmbajtur sistemin mbrojtës nga përmbytjet, dhe për të fshehur një politikë shkatërruese të planifikimit territorial, e cila lejoi ndërtimin e shtëpive të reja në fushat që janë të pritura të përmbyten.

Megjithatë, kur Qendra për Ekologjinë dhe Hidrologjinë analizoi përmbytjet e vitit 2007, zbuloi se nuk mund t?ia atribuonte ato ndryshimit të klimës. Pasja e vëllimeve kaq të mëdha të reshjeve gjatë stinës së verës, thjesht nuk ishte në përputhje me modelet që parashikuan se si Anglia e Jugut ashtu edhe Gjermania, do të përjetonin reshje më të pakta gjatë verës në të ardhmen.

Të fajësosh për përmbytjet e fundit në Gjermani ndryshimin e klimës, do të thotë të parashikosh formalisht diçka dhe pastaj kur të ndodhë e kundërta, të kthehesh dhe të thuash ?E shihni, a nuk ju thashë?!?.

Nëse doni që të fajësoni për përmbytjet e javës së kaluar ndryshimin e klimës, së pari është e nevojshme të argumentoni se modelet e parashikimit të motit kanë qenë të gabuara gjatë gjithë kohës, dhe se në fakt Gjermania do të përjetojë reshje më të mëdha shiut gjatë stinës së verës.

Por atëherë kjo mund të rrëzojë të gjithë modelet e klimës në përgjithësi. Ose mund të argumentoni se përmbytjet janë një katastrofë natyrore, e cila ka ndodhur pavarësisht nga tendencat drejt verave më të thata në Gjermani.

Druaj se histeria ka ndryshuar shumë pak që nga viti 2008, kur Qendra për Ekologjinë dhe Hidrologjinë prezantoi raportin e saj mbi përmbytjet e rënda të vitit 2007. Unë dyshoj nëse organet publike do të ngurrojnë tani ta denoncojnë atë apo kam thënë tani, duke rrezikuar që të etiketohem si një ?mohues?./CNA.al

Lajmet e fundit nga