LEXO PA REKLAMA!

SHKARKO APP

Arrestimi i Ardian Çapjas/ Hoxha: Shtëpia u rrethua gjatë mbrëmjes, por ndërhyrja u bë në mëngjes

30 Mars 2021, 20:38, Politikë CNA
Arrestimi i Ardian Çapjas/ Hoxha: Shtëpia u rrethua gjatë

Gazetari Artan Hoxha ka treguar detaje të reja mbi arrestimin e Ardian Çapjas. Ai u shpreh se në këtë operacion kanë marrë pjesë edhe forcat RENEA.

Më tej, Hoxha në një intervistë për Opinion theksoi se policia e kishte rrethuar banesën e Çapjas që në mbrëmje, por ndërhyrja u bë në orët e para të mëngjesit.

?Në orët e para të mëngjesit është bërë ndërhyrja në banesë, në fillim është gjetur një roje. Ndryshe nga sa priste policia janë gjetur pak materiale. Urdhër arresti për Ardian Çapjes ka dal në 16 Mars dhe është mbajtur sukses.

Çuditërisht në të njëjtën ditë në orën 7 të mëngjesit,  për personin tjetër që ka pasur urdhër-arresti, Florenc Çapja është larguar nga Shqipëria me avion nga Rinasi. Ata prisnin që të kthehej, por ai nuk është kthyer. Ardian Çapja nuk është larguar asnjëherë nga Shqipëria, ai nuk ka bërë as rezistencë ndaj Shqipërisë. Ardiani ka gjithmonë një alibi që është i sëmurë, se dhe në pamjet e arrestimit të shkuar është me vigon dhe serum në dorë”, u shpreh Hoxha./CNA.al

Lajmet e fundit nga