Dokumentet ekskluzive/ Ben Blushi kallëzohet penalisht për shtëpinë në Dardhë

3 Shtator 2020, 10:03, Aktualitet CNA

Ish-politikani Ben Blushi, bashkëshortja e tij Eva Blushi dhe ish-drejtoresha e Kadastrës në Korçë, Nada Bandilli, janë kallëzuar penalisht për përfitimin e një pasurie dhe ndërtimin e bërë në fshatin Dardhë dhe një pronë të blerë nga Blushi, disa vite më parë

Padia është bërë pasi së fundi Ben Blushi ka regjistruar një shtëpi të blerë në Dardhë, së bashku me 2 mijë metër katëror truall.

Padia është bërë për shpërdorim të detyrës ndaj drejtoreshën Nada Bandilli, për të cilën CNA.al dje zbuloi se pse ishte shkarkuar nga detyra. Për shkak të këtij regjistrimi të paligjshëm të pronave të Ben Blushit, apo çështje të tjera. (Lexo këtu)

Blerja e pronës dhe regjistrimi i saj, së bashku me një sipërfaqe prej 2 mijë metër katëror ka sjellë përplasje me kufitarët, të cilat janë denoncuar nga CNA.al disa muaj më parë. (Lexo këtu).

Sot po sjellim padinë e bërë ndaj Ben Blushit, Eva Blushit dhe Kadastrës së Korçës, për regjistrimin e kësaj pasurie.

CNA.al ka siguruar padinë e përgatitur nga avokati Esmerald Xhafa, drejtuar Prokurorisë së Korçës.

Kallëzuesja është shtetasja Marjeta Plasa, ndërsa të paditur janë Agjencia Shtetërore e Kadastrës, drejtoria Vendore Korçë, Eva Blushi dhe Ben Blushi.

Objekti i padisë është “Shpërdorim i detyrës” dhe “Ndërtim i paligjshëm”.

Ndër të tjera në padi thuhet se “Kallëzuesja së bashku me të kallëzuarit, Ben Blushi dhe Eva Blushi, kanë komshinj në fshatin Dardhë dhe së fundmi kanë marrë vesh se shtetasit Ben Blushi dhe Eva Blushi kanë blerë një shtëpi, ku vec sipërfaqes së kësaj banese ata kanë fituar edhe një sipërfaqe tjetër toke, e cila ka qënë një sipërfaqe që në dijeninë e kallëzueses ka qënë e lirë dhe pa pronar.

Sipas kontratave rezulton se çifti Blushi të kenë fituar një banesë që prej vitesh ata ende nuk e kishin regjistruar dhe se shtetasja Marjeta Plasa është vënë në dijeni vetëm në momentin kur shtetasi Ben Blushi filloi të ndërtonte.

Çifti Blushi i kanë kërkuar që ti shesë banesën e saj tek ta, por kjo shtetase nuk ka pranuar dhe shpesh janë konfliktuar madje edhe është kërcënuar se do ti fusin në burg dhe do tiu marrin edhe shtëpinë.?

Për më tepër në padi thuhet se konflikti ka agravuar edhe deri në përplasje fizike.

Por, pas mos gjetjes së zgjidhjes dhe reagimeve të Blushit deri në përplasje fizike, siç thuhet në denoncim, komshinjtë e tij e kanë paditur penalisht në prokurori për ndërtim të paligjshëm, por gjithashtu është kallëzuar edhe Kadastra për regjistrimin e kësaj prone.

Nga paditë pretendohet se është një pronë, tokë shteti, e cila është marrë nga Ben Blushi dhe është përfituar në mënyrë të padrejtë.

?Kemi dyshime të arsyeshme se vendimi përfundimtar nr.11, datë 06.12.2019 është në kundërshtim të plotë me parashikimet ligjorte dhe është marë në shkelje të ligjit, dhe kjo gjë ka ardhur në shkelje të ligjit nga Drejtori i Kadastrës, drejtoria vendore Korçë Znj Nada Bandilli dhe gjithë zinxhiri i specialistëve të cilët as kanë shkuar ndonjëherë në fshatin Dardhë për të parë gjendjen faktike dhe as kanë kryer ndonjë verifikim apo matje në terren dhe se në asnjë moment nuk ka pasur afishime në lidhje me këtë problematikë.?-thuhet më tej në padinë, drejtuar Prokurorisë.

Sipas padisë ky është rasti i dytë në pak kohë, që Ben Blushi kallëzohet penalisht për përfitim të paligjshëm prone.

Kujtojmë këtu se pak javë më parë u kallëzua penalisht vajza e tij Natali Blushi dhe noterja Violeta Sulkaj, në lidhje me një kontratë shit-blerje, për një pronë, e cila vlen gati 500 milionë lekë, por e deklaruar për vetëm 30 mijë euro. (Lexo këtu)

Nga ana tjetër, CNA.al ka mësuar se një kallëzim penal do të ketë në SPAK edhe për Artan Lamen dhe Kadastrën e Vlorës në lidhje me pronën prej 6 mijë metër katëror, regjistruar në emër të Ben Blushit në Dhërmi. (Lexo këtu)

Mesa duket ish-kreu i LIBRA-s dhe ish-deputeti socialist, pas vajtjes në krye të Top Channel paska filluar të kthehet në një profesionist të grabitjes së pronave shtetërore dhe në përplasje të forta me banorë apo pronarë të pronës, siç ka ndodhur me pronën e regjistruar në Dardhë, apo për truallin 6 mijë metër katëror në Dhërmi, e kështu me radhë.

Nga ana tjetër CNA.al ka mësuar se Blushi ka disa dhjetëra çështje të tjera në Gjykatë. Kallëzime penale, e të tjera që lidhen me pronësi dhe problematikat që ai ka hasur kohët e fundit, pasi ka marrë drejtimin e televizionit Top Channel, duke e përdorur këtë të fundit si armë të tij në mbështetje të sigurimit në mënyrë të paligjshme të pronave./ CNA.al

Pas Violeta Sulkajt, Ben Blushi ?fundos? një tjetër zyrtare?/ Zbulohet pse u shkarkua drejtoresha në Korçë

Pasuri e çmendur, grabitje pronash nga Korça në Vlorë, e falsifikim firme/ Kur do të flasë Ben Blushi për skandalet e tij?

Ekskluzive-Dosja e pronave të Ben Blushit përfundon në SPAK

Ekskluzive dokumenti- Ja si grabiti Ben Blushi 6 mijë m2 në Dhërmi

Artan Lame dhe Kadastra, çeta e grabitësve në favor të Ben Blushit

Ekskluzive/ Ministria e Drejtësisë fillon hetimin ndaj noteres së Ben Blushit

Video-Ben Blushi ndërtim pa leje në Dardhë?!/ Debate me banorët

Flasin banorët e Dardhës/ Ben Blushi po na vjedh dhe shkatërron shtëpitë

Shkarkohet nga detyra drejtoresha e Hipotekës në Korçë