Paralajmëron Shkëlqim Hajdari/ Nëse kufijtë detarë nuk ndahen si miq, do përfundojmë…

27 Gusht 2020, 12:54, Aktualitet CNA

Ish-prokurori Shkëlqim Hajdari ka bërë një paralajmërim pak më parë, teksa ka folur për çështjen e detit me Greqinë.

Hajdari tha se nëse Greqia nuk krijon marrëdhënie fqinjësie me Shqipërinë, atëherë do të përfundojmë në Gjykatat Ndërkombëtare.

Ai theksoi në News 24 se theksoi se nëse merret si pikë fundore ishulli i Othonoit, nuk do të ketë një marrëveshje. Sipas tij, kufiri detar me Greqinë do të jetë Korfuzi,

?Ne duhet të kemi kujdes, por jo frikë. Unë e shoh këtë në kuadër të situatës që është krijuar me Turqinë. Ne duhet të jemi të qetë. Nëse Greqia nuk është e vendosur që marrëdhëniet me Shqipërinë t?i fusë në një kontekst fqinjësie, do të përfundojmë në Gjykatën Ndërkombëtare me këtë histori. Nëse Greqia do të marrë për bazë që kufiri është ishulli i Korfuzit, ne jemi në rregull. Gjithë konventat ndërkombëtare aty e ndajnë gjysmë për gjysmë. Nëse do marrë pikë fundore ishullin e Othonoit jemi të bindur se nuk do të merremi vesh. Ka gjithë të drejtën të marrë Korfuzin dhe kështu ngjarjet me Greqinë zgjidhen menjëherë.

Greqia ka ishuj sa të duash, ka territor detar pafund. Nuk ma merr mendja kurrë që të marrin si pikë referimi ishullin e Othonoit. Për fat të keq, shoh që te ne segmente të caktuara të politikës synojnë ta politizojnë. E mira është që cështja të mos politizohet, por të flasim të gjithë me një zë. Ky det nuk është i kryeministrit Rama, por i të gjithë shqiptarëve. Do të jetë në dispozicion të 10 milionë shqiptarëve, brenda dhe jashtë Shqipërisë. Shpresojmë që pavarësisht klimës së fortë mes Greqisë dhe Turëisë, diskutohet për ne të jenë në një frymë bashkëpunimi. Ministri grek të vijë këtu për të diskutuar që t?i ndajmë detërat jo me ?kush është më i fortë?.

Për mendimin tim kryeministri Rama ka dhënë një mesazh që nuk është akoma zyrtar. Ai mendon se i shërben ardhja e ministrit të Jashtëm grek dhe shpreson se do të kemi marrëdhënie të mirë me Greqinë. Unë shpresoj që të mos përfundojmë në Gjykatat Ndërkombëtare, sepse po të shkojmë atje e drejta ka për të qenë me palën shqiptare. Kufiri do të jetë Korfuzi. Nëse duan t?i ndajmë si miq e vëllezër, në rregull, në të kundër shkojmë në gjykatat ndërkombëtare. Korfuzi ja ku është. Hajde t?i masim miljet?, deklaroi ish-prokurori./ CNA.al