LEXO PA REKLAMA!

SHKARKO APP

Trajtimi i të infektuarve me plazmë/ Pipero thirrje të fortë qytetarëve

21 Gusht 2020, 18:05, Lifestyle CNA
Trajtimi i të infektuarve me plazmë/ Pipero thirrje të fortë

Mjeku Pëllumb Pipero, foli sot për trajtimin e pacientëve të infektuar me plazmë.

Pipero tha se nuk pret ndonjë mrekulli nga ky trajtim, duke theksuar se studimet ende nuk janë të plota.

Infeksionisti deklaroi se pavarësisht kësaj shpreson se trajtimi do ketë ndikim të mirë te të infektuarit, ndaj bëri edhe një thirrje për personat e shëruar.

?Dua të them që me këtë rast i ftoj të gjithë qytetarët që janë shëruar nga Covid-19 të dhurojnë gjak pa hezitim. Natyrisht ka protokolle të mirëcaktuar edhe për persona që mund dhe duhet tu ofrohet plazmë si një mjekim alternativ i cili përshpejton shërimin e pacientit. Bëhet fjalë për persona të shtruar në spital, për persona nga e mesme në të rëndë.

Natyrisht edhe format e rënda edhe personat që mund të jenë të intubuar, duhet dhe mund tu ofrohet një shans për trajtimin me plazëm, por tek këto persona mundësia për të përfituar është pak më e vogël. Në rast se do krijohet banka e plazmës do të përfitojnë të gjithë personat e shtruar. Nëse nuk e kemi me bollëk, do të përfitojnë personat që janë në gjendje jo shumë të rëndë, por edhe rasteve të rënda mund t?u jepet një shans.

Sa më shpejt të fillohet aq më mirë është, por jo te persona që janë në gjendje të mirë, pasi nuk ka arsye të përdoret. Dua të nënvizoj që ne mjekët, por dhe qytetarët, nuk duhet të presim një mrekulli apo çudi nga plazma. Kjo pasi studimet ende nuk janë të plota, që të thonë se po u trajtove me plazmë ke shpëtuar, por evidencat e deritanishme kanë dëshmuar se përdorimi i plazmës është optimal e kënaqshme?, nënvizoi Pipero./ CNA.al

Lajmet e fundit nga