E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Shpëtimi i bizneseve nga gjobat e marketingut

12 Gusht 2020, 08:09, Denoncim CNA

?Nuk bëjmë dot oferta tek bizneset pas një produksioni sepse gjobaxhinjtë e marketingut dhe kamikazët vërshojnë mbi kompaninë. Ose do i marrin dhe ata një shumë parash ose fillojnë sulmet?, kjo është shkurt historia e treguar nga një producent mediatik pak kohë më parë për gjobat që televizionet apo mediat specifike vendosnin ndaj bizneseve.

?Sa bëmë një reklamë në News24, direkt gjobaxhinjtë e marketingut, pastaj telefon edhe nga pronari, kur s? pranuam u vërsulën kamerat?, është rrëfimi i shkurtër i një biznesmeni.

Pse nuk i denonconi?
Kjo është pyetja e parë që lind. Por në shumë raste kompanite duan që mos kenë problem dhe debate, shumë prej tyre kanë edhe kleçkat e tyre, askush nuk është perfekt. Nga ana tjetër është gjetur një zgjidhje, ulje sa më shumë të buxheteve dhe tërheqje totale nga tregu i reklamava, kështu vetë bizneset ndjehen më të sigur, tha një eksperte reklamash për CNA.al.

?Emrat se kush e si i vendosin gjobat dihen. SPAK i ka në dorë mjafton t?i shikojë si sulmohen kompanitë e si dalin reklamat në TV?, theksoi i njëjti burim.

Së fundi duket se ka rënë pak qetësi pas hetimeve që kanë plasur për mediat, shpresojmë që kjo të vazhdojë, thonë për CNA.al, profesionistët e fushatave të reklamimit.

Skemat

Janë të ndryshme por lehtësisht të lexueshme. Në rast se një kompani del me një buxhet dhe vendos , aty ku nuk ka vendosur të jetë prezent, aty fillojnë dhe problemet. Janë televizionet me pak audiencë në treg. Direkt vjen marketing, po ne pse s?kemi reklamë, edhe ne kemi tarifat tona. Më pas në rast se nuk zgjidhet sulmohet me kamikazët e gjobave. Rastet janë të shumta dhe bizneset ka ardhur koha që të flasin, të thonë me zë të lartë si shkoi përfaqësuesja e marketingut, më pas si telefonoi pronari dhe në fund si u vërsul pronari.

Raste të tilla ka plot, mjafton një strukturë hetuese të monitorojë sulmet direkte të vazhdueshme për gjoja investigime, goditje frontale ndaj brandeve dhe kompanive të ndryshme deri në momentet që janë marrë reklamat. Krimi ështe i provuar, sulmi mediatik dhe me pas pagesat e faturave në bankë, koha të hapen letrat për të shpëtuar biznesin nga gjobat e marketingut dhe pronarëve të tyre./CNA.al