Lista me servilët e pushtetit/ Nga Mira Kazhani, Bieta Sulo, tek të punësuarit në bashki e qeveri

5 Maj 2020, 09:26, Politikë CNA

Dy foto- lajme dhe një material i publikuar së fundmi nga CNA.al treguan punën e dytë të Mira Kazhanit si gazetare me profil të majt politik dhe punën e tretë të Bieta Sulos.

Shpërtheu rrjeti, sulme, akuza, fyerje, intimidime nga më të ndryshmet. Ndoshta shkelje ligjore në këtë rast nuk kishte, as ndonjë skandal të madh, por më shumë gjithçka dukej se ishte morale dhe pjesa tjetër më pas u kthye në politike.

Opinioni reagoi fort ndaj dy femrave që u kryqëzuan nga rrjeti në lidhje me punët e tyre të dyta. Bieta duke qene një moderatore, kryeredaktore e ?Top Showt? dhe gazetare prej gati 15 vitesh në Top Channel dhe Mira Kazhani një nga gazetaret e vjetra shqiptare por e brezit të ri, me gati 20 vjet eksperiencë në shumë media kryesore në vend.

Por çfarë ndodh përtej Bietës dhe Mirës!?

U akuzuan Bieta dhe Mira për punën e dytë, por nuk flitet për punët e dytë, të treta, të katërta, apo edhe të pesta, për bëmat dhe gjëmat e shumicës të gazetarëve, servilave të mediave dhe pushtetit.

Flasin për Mirën dhe Bietën, por nuk flasin për drejtorin e Bietës, Ben Blushin, i cili është një ish gazetar që u kap me një pasuri 500 milionëshe në Korçë, të blerë për vetëm 30 mijë euro në ortakëri me pronarët e inceneratorëve të cilët marrin nga taksat e shqiptarëve 200 milion euro.

Nuk foli rrjeti kaq shumë për Ben Blushin dhe 200 milionët e inceneratorëve por më shumë u mor me 800 mijë lekshin e Bieta dhe Mirës.

Duke kaluar nga Blushi tek një emër tjetër, Alfred Peza, të dy personazhe që janë bërë milionerë dhe vijnë nga fusha e gazetarisë, dhe jo vetëm kaq, por kanë hyrë dhe në politikë, janë zgjedhur dhe deputet.

Ka dhe të tjerë emra. Mund ti rëndisim një nga një:

Si nuk foli askush për Çlirim Pekën! Me çfarë parash financoi një televizon të cilin e bleu disa qindra mijëra euro liçensën dhe më pas investoi gati 10 milion euro dhe ka një staf prej gati 100 vetë që punojnë në portal dhe në televizion. Po kush është burimi i të ardhurave! Ku i gjeti paratë Çim Peka! Apo është ndonjë latifondist dhe paralli i madh!

Po Karlo dhe koncesionet e tij?

Më tej, po ky rrjet që foli me të drejtë ndaj këtyre vajzave, a ka folur, a ka patur ndonjë reagim ndaj fëmijëve të pronareve të televizioneve që punojnë në bashki, në qeveri, në institucione, kudo!?

Djali Ylli Ndroqit, dhëndri i Irfan Hysenbelliut, djali i Skënder Minxhozit, apo po të doni edhe djali i Mero Bazes që kanë punuar dhe punojnë në Bashkinë e Tiranës.

Nuk flet kush për këta! Askush nuk thotë asgjë!

Po Fahri Balliu ikona mediatike e Shqipërisë, ky palaço skandalesh nga Meta tek Basha?

Po Desada Metajn, familjarët e saj nuk i paguan ujësjellësi? Po Ilva Tare ku i ka? Muç Nano apo Lorenc Vangjeli, Preç Zogaj apo Artan Hoxha me shumë licensa, analistët tanë të mëdhenj, drejtues mediash, kryeredaktorë që kanë me soj e sorollop në administratë, pse nuk i thotë e sulmon askush?

Pa bërë avokatinë e tyre, sepse duhet të mbajnë përgjegjësinë morale për “pa ngopësinë” e tyre, por Bieta e Mira, janë lule përpara ujqërve dhe ulkonjave të vërteta të medias dhe pushteteve.

Çfarë është thënë për Andi Bushatin, për këtë ?dashnor? të fjalës së lirë që sot paguhet me miliona në Top Channel dhe hesht për pazaret që e pronares që e paguan, Vjollca Hoxhës apo Ben Blushi!

Pse nuk flet Eni Vasili për ta! Pale të themi për Alban Dudushin! Pse nuk flet Fatos Lubonja të thotë ndonjë fjalë por qëndrojnë gjoja parimeve dhe flasin për skandalet në mënyrë selektive. Në mënyrë selektive për koncensionet.

Atje ku dikush kollitet, heshtja është e sigurt!

E pra , rrogat e këtyre vajzave të sulmuara dhe masakruara nga rrjeti nuk janë asgjë, përpara bëmave dhe gjëmave të televizioneve, gazetareëve të vjetër prej 30 vitesh që ?plaçkisin? Shqipërinë, sa me PD-në e sa me PS-në, duke hyrë deputet e duke i vënë ?gjoba? ministrave, kryeministrave, duke u bërë aletat, të Metës, të Ramës, të Berishës e kujtdo qoftë. Të Veliajt sot, të Lulzim Bashës.

Të paguarit e portaleve nga Luli e biznesmenët pranë tij.

Lista e të paguarve nga Meta edhe më e gjatë.

E pra, këto janë kasta mediatike që duhen degjeneruar në rrjet, jo ato dy vajzat që kanë marrë rrogën e dytë, megjithëse si të bësh një vrasje, si të bësh dhjetë vrasje, njësoj dënohesh, por mund të themi se këtë vajzat, kanë marrë nga një rrogë 800 mijë lekshe nga një vit, por shikoni 80 milioneshet apo miliardshet që bëhen në këto 30 vite nga një kastë gazetarësh të korruptuar, që lëvizin nga fryn era dhe sot pretendojnë se janë mendimi dhe zëri i opinionit publik në Shqipëri.

Po kemi harruar njeri mund ta shtoni vetë në koment pa asnjë problem./CNA.al