E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Fotoja me Metën dhe Berishën/ Komentuesit "masakrojnë" Çim Pekën

5 Maj 2020, 15:07, Politikë CNA

Një foto e ish-kryeministrit Sali Berisha duke drekuar me presidentin Ilir Meta dhe gazetarin Çim Peka u bë virale në rrjet dhe krijoi shumë hamendësime.

Pas kësaj, Peka u mundua të bëjë një sqarim për foton e publikuar nga vetë ai, për të cilën pretendon se nuk është bërë para pak ditësh por është shkrepur një vit më parë në një prej restoranteve të Tiranës.

Gazetari tha se foton e publikoi pas një basti në tavolinë për të provokuar mediat dhe publikun se si do të reagonin ndaj saj.

Në profilin e tij në Facebook ai ka shkruar: “Para dy ditësh, ndërkohë që diskutoja mbi situatën dhe konjukturat politike me miq të mi në zyrën time, në bisedë e sipër u hodha një sfidë. Në çast, në profilin tim në instagram hodha një foto me Sali Berishën dhe Ilir Metën, shkrepur më shumë se një vit më parë në një nga restorantet e Tiranës. Ajo çka pasoi sfidën, ishte basti. Ajo çka pasoi bastin, ishte fitorja ime e bastit. Ashtu siç edhe kisha parashikuar, fotografia megjithëse e vjetër dhe e publikuar edhe më parë, u bë virale menjëherë”.

Duke qenë se provokoi reagimin e njerëzve, komentuesit e kanë masakruar me komente nga më të ndryshmet, duke e sharë që nga pamja fizike e deri te profesioni që ushtron. Të shumtë kanë qenë ata qytetarë që i kanë vënë në dukje mjekrën e gjatë dhe disa të tjerë e kanë akuzuar si sahanlëpirës.

“Pse? Medemek ti qenke i djathtë, djali i Maxhunit? Ti je vetëm një mercenar provokator i paguar, që pardroni të hedh si leckë, sa po ta shikojë se nuk i duhesh më”, shkruan një ndjekës, e ndërsa një tjetër thotë: “Një b*thë lëpirës që dihet botërisht do bësh rolin e provokatorit, ti je i shitur këmbë e kokë legen njeri, u shoftë fara juaj farë e keqe”.

Një komentues e akuzon se për faj të tij populli jonë ka kryeministër Edi Ramën, teksa i thotë se: “Ti nuk kupton që me bastet dhe lodrat e tua të fjalëve po na dënon që të kemi Ramën edhe nja dy mandate të tjera mbi kokë”.

Të shumta janë komentet që CNA.al jua sjell më poshtë edhe të kapura në screenshot-e. Çim Peka ka ngjallur urrejtje te qytetarët me lojërat e tij, duke treguar qartë se si provokohet dhe përdoret populli nga politika për të plotësuar disa teka të vetat.

Çimi kërkon të jetë “lideri” i audiencës për opozitën dhe demokratët në veçanti. Por sa më shumë del ky Fahri i mesëm si lider mediatik i opozitës aq më pak vota do ketë opozita./ CNA.al