web counter
LEXO PA REKLAMA!

SHKARKO APP

App Store
Google Play

90 mijë të papunë/ Teliti bën llogaritë: Qeveria ka paguar vetëm 37 mln euro nga 110 mln që ka premtuar

5 Maj 2020, 15:46, Politikë CNA

Këshilltari për Ekonominë në Partinë Demokratike, Dorian Teliti, ka folur për situatën ekonomike si shkak i pandemisë së Covid-19.

Në një intervistë për Ora neës, ai shprehet se dy paketat e qeverisë janë të pamjaftueshme, ndërsa thekson se qeveria ka paguar vetëm 37 mln euro nga 110 mln që ka premtuar në ndihmë të bizneseve dhe të individëve.

“Në 7 javë, për të dy paketat sëbashku, qeveria shqiptare ka paguar nga thesari i shtetit për bizneset vetëm 37 mln euro nga 110 që kishte premtuar. Këto janë pasojat që papunësia vijon të rritet dita ditës. Shpërdorimi me fondet publike vijon, se qeveria paska para për të paguar tenderat sekretë dhe konçensione dhe nuk ka për qytetarët e bizneset.

Të dy paketat e marra nga qeveria janë të pamjaftueshme. Janë të hartuara me një amatorizëm të frikshëm nga ana e qeverisë shqiptare të cilat në shumën e tyre totale shkojnë në masën e 110 mln euro dhe përbën paketat mbështetëse më të ulëta në rajon. Edhe vendet e rajonit kanë paketa më të plota se ne. Kjo do sjellë që dëmet që do të shkaktojë ekonomia në vendet e tyre do të jenë minimaliste. Kemi njerëz dhe konsumatorë që varfërohen akoma më shumë. Kemi pasur edhe më parë varfëri por tani ajo ndihet edhe më shumë.

Kemi të paktën 90 mijë persona që kanë humbur punën në këtë situatë. Sipas qeverisë shqiptare deri në fund të prillit 61 mijë persona kanë humbur vendin e punës. Kemi dhe punësimin në të zezë ku sipas studimeve në çdo dy persona të punësuar ligjërisht, ke një person të tretë që nuk figuron në tatime por që është në vend pune, atëherë logjikisht kemi 90 mijë persona që kanë humbur vendin e punës”, tha ai./CNA.al





Lajmet e fundit nga