E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Greqia, baza nga ku terroristët e ISIS mund të sulmojnë Evropën

3 Shkurt 2020, 07:32, Blog CNA

Nga Daveed Gartenstein-Ross & Colin P. Clarke ?National Interest?

* Kalifati territorial i Shtetit Islamik, u shkatërrua gati 1 vit më parë, kur koalicioni global anti-ISIS çliroi Baguzin, bastionin e fundit të grupimit militant në Siri. Ndikimi nga rikthimi i luftëtarëve të huaj terroristë, ka rezultuar të jetë më i vogël nga sa frikësoheshin shumë analistë, pa asnjë sulm terrorist në territorin evropian, që të ketë lidhje me militantët e larguar nga Kalifati gjatë vitit të shkuar.

Por ekzistojnë shqetësime të mëdha, se disa luftëtarë mund të jenë duke u marrë me përgatitjen e sulmeve të tilla. Për shkak të një numri faktorësh – përfshirë kufijtë lehtësisht të përshkueshëm, nivelet e larta të korrupsionit, rritjes së radikalizmit dhe veprimtarisë ekstremiste islamike në vend – Greqia mund të dëshmohet si një qendër e luftëtarëve të huaj terroristë, të cilët po synojnë të organizojnë sulme të reja në Evropë.

Faktorët të tjerë të rëndësishëm, e bëjnë Greqinë një kandidate, nga e cila mund të përfitojnë luftëtarët e huaj. Së pari, është vëmendja e dobët e forcave të sigurisë, për shkak të kërcënimeve të tjera jo-xhihadiste, përfshirë anarkistët e krahut të majtë, apo fashistët e krahut të djathtë.

Një problem i ngjashëm, ndikoi në sulmet me bombë gjatë Pashkëve të prillit 2019 në Sri Lanka, teksa forcat e sigurisë ishin duke luftuar separatistët Tamilë, duke lënë pas dore kërcënimin e shfaqur nga xhihadistët që kishin lidhje me ISIS-in.

Kriza e emigrantëve që e ka paralizuar Greqinë gjatë viteve të fundit, e kombinuar me një ekonomi me problem dhe një populizëm në rritje, nënkupton që xhihadistët atje mund të kenë më pak kontroll, sesa kudo gjetkë në Evropë. Kjo është sidomos e vërtetë, nëse militantët nuk po e drejtojnë zemërimin e tyre ndaj shtetin grek, por po e përdorin këtë vend dhe lidhjet e tij me pjesën tjetër të Evropës, për të planifikuar dhe organizuar sulme terroriste.

Greqia ka shërbyer shpesh si një portë për luftëtarët e huaj, që kanë lëvizur më pas nëpër Evropë. Gjatë rritjes së aftësisë së ISIS-it, për të ndërmarrë sulme në Evropë, Greqia shërbeu si një pikë kryesore tranziti për luftëtarët francezë dhe belgë të Shtetit Islamik, si dhe një qendër logjistike për komplotet.

Abdelhamid Abaud, arkitekti kryesor i disa sulmeve terrorist në Evropë, e organizoi sulmin mbi aeroportin e Brukselit, nga një apartament në Athinë. Anëtarët e celulës së tij, kaluan nëpër Greqi para sulmeve shkatërruese të Parisit të nëntorit të vitit 2015.

Edhe francezi Ibrahim Budina kaloi përmes Greqisë në vitin 2014, para se të rikthehej në Francë me synimin kryerjen e një sulmi terrorist. Po në vitin 2014, francezi Abdelkader Tliba u përpoq të kalonte nëpër portin qendror italian të Ankonës, një pikë e madhe pritëse për emigrantët që udhëtonin nga Greqia për në vendet e tjera të BE-së.

Greqia dhe Ballkani, janë ndërkohë qendra të prodhimit të dokumenteve të falsifikuara të identitetit, dhe ka shumë gjasa që luftëtarë e huaj terroristë që rrikthehen në vendet e tyre, t?i përdorin këto vende për të siguruar pasaporta të rreme.

Sipas ish drejtorit të EUROPOL, Rob Ueinrajt, ?ka një sektor të veçantë kriminal që është i përfshirë në vjedhjen e pasaportave, dhe në prodhimin e pasaportave të rreme të sofistikuara, duke furnizuar me to tregun e zi?. Dhe në epiqendër të këtij aktiviteti kriminal gjendet Greqia.

Në shkurtin e vitit 2018, policia greke arrestoi 11 anëtarë të një rrjeti ndërkombëtar kriminal, të përfshirë në vjedhjen dhe falsifikimin e dokumenteve të udhëtimit. Rrjeti përfitonte nga lëvizja e shtetasve të vendeve të treta, nga Greqia drejt vendeve të tjera në Evropë.

Greqia është veçanërisht tërheqëse për terroristët e mundshëm, edhe për shkak të afërsisë së saj gjeografike me zonën e luftës Siri-Irak, si dhe për kufijtë e saj të gjatë tokësorë dhe detarë. Një raport i vitit 2015, sugjeroi se në vend mund të ishin qindra persona me lidhje me grupet xhihadiste.

Në vitin 2017, policia turke pretendoi se shkatërroi një rrjet të kontrabandës përmes Greqisë dhe Bullgarisë, edhe pse zyrtarë të inteligjencës në rajon, besuan në atë kohë se disa prej atyre rrugëve mbetën ende të përdorshme nga trafikantët.

Greqia është quajtur ?hallka e dobët? e Bashkimit Evropian, për terroristët që synojnë të depërtojnë në kontinent. Politikat kaotike të ekstradimit, gjykatat e mbingarkuara me punë, dhe sistemet jo efektive të burgjeve, krijojnë të gjithë hapësirën e duhur, që disa të rikthyer nga ish-Kalifati të mos bien në sy të autoriteteve.

Taksa ISIS po zhduket gradualisht nga titujt e mediave, ekziston rreziku që grupi të dëshmojë forcën e tij, duke ndërmarrë një sulm të ri në territorin evropian. Nëse kjo do të ndodhë, atëherë është sigurisht e mundur që komploti të ketë lidhje me Evropën Juglindore, dhe konkretitisht me Republikën Helene./ Përshtatur nga CNA.al