E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Si izolimi ekstrem, e transformon trupin dhe mendjen e njeriut

2 Shkurt 2020, 11:39, Blog CNA

Çfarë ndodh me mendjen e një njeriu që bën një jetë të vetmuar? Regjizori Robert Egers, na ofron një lloj ideje me filmin e tij të fundit ?The Lighthouse? (Fari), një triller psikologjik i xhiruar në teknikën bardh e zi. Ngjarjet e tii vendosen në fund të shekullit të 19-të.

Filmi rrëfen historinë e rojtarit plak të farit Tomas Ueik (luajtur nga aktoril Uillem Dfo), dhe ndihmësit të tij Efraim Uinslou (Robert Pattinson), kur ata kalojnë 1 muaj bashkë duke bërë roje në një far në një ishull të izoluar. Gjërat nisin të bëhen shpejt të çuditshme, pasi të dy mbërrijnë në ishull.

Rojtari i ri Uinslou beson se ka parë një sirenë deti, dhe kjo gjë i nxit vizionet e një krijese të bukur humanoide që lahet në breg, e shoqëruar me skena erotike. Ai e sheh edhe Ueik lakuriq në kullën e farit, ndërsa netëve sheh ëndrra plot makthe.

Psikologia Sarita Robinson e Universitetit të Lankashajërit Qendror në Britaninë e Madhe, thotë se halucinacionet janë diçka e zakonshme, kur njerëzit qëndrojnë për një kohë të gjatë të izoluar.Ato ndodhin zakonisht nëse ekziston edhe një privim shqisor, siç është të qëndrurit në një dhomë të errët.

Në një eksperiment të kryer në Universitetin Mekill në vitet 1950, vullnetarët që kaluan ditë të tëra në dhoma të vogla, nisën që të kenë halucinacion pas disa orësh, duke u stresuar aq shumë, sa që studimi përfundoi më herët sesa parashikohej.

?Njerëzit janë krijesa sociale.Ne dëshirojmë shoqërinë e të tjerëve. Dhe e dimë se izolimi social, është realisht shumë i dëmshëm si për shëndetin mendor, ashtu edhe për atë fizik?- thotë Robinson. Ndërsa filmi ka nisur që të transmetohet në kinematë e botës, është e qartë se të kesh për shok vetëm një Ueik të heshtur dhe autoritar, krijon një prison të madh tek Uinslou.

?Vrasja e një pulëbardhe, ndjell fatin e keq!?, i ulëret Ueik të riut, ndërsa e godet në kokë. Uinslou shokohet.

Pak më vonë, kur koha e qëndrimit të tij në ishull i afrohet fundit, era ua ndryshon programin. Trageti që duhej të zbarkonte në ishull për të marrë Uinsloun devijon rrugën, ndërsa në det shpërthen një stuhi e tërbuar. Që të dy burrat, nisin ta humbasin lidhjen me realitetin.

Uinslou nis fiksohet gjithnjë e më shumë pas kullës së farit, në të cilën Ueik e ka ndaluar të hyjë. Gjatë gjithë kohës, ata pinë për të harruar se ku janë.Në situata stresuese si kjo, njerëzit sekretojnë më shumë oksitocinë – një hormon që ndikon në lidhjet shoqërore – e cila mund të çojë në zhvillimin e marrëdhënieve më miqësore për mbështetje dhe mbrojtje, thotë Robinson.

Në të vërtetë, të nxitur edhe nga alkooli, mes të dyve ka edhe disa momente sjelljesh të ngrohta. Ata zhyten më thellë në fatet e tyre tragjike, që tani duken të ndërthurura me atë të ishullit. Patinson shfaq një gamë mbresëlënëse emocionesh në portretizimin e një Uinslou të brishtë, duke kaluar nga ankthi mbytës tek një ekstazë torturuese, përfshirë edhe një skenë masturbimi, që është ndoshta më intensivja në historinë e kinematografisë botërore.

Ndërkohë Defo luan rolin e personazhit, që është më i përmbajtur, por ndoshta po aq i britshtë, teksa herë pas herë është i paparashikueshëm me sjelljet e tij të vrazhda.Regjisori Egers krijon një botë, që është njëherazi të bukur dhe shqetësuese, me imazhet e zymta të dallgëve që përplasen fort në shkëmbinj./ Përshtati në shqip CNA.al