LEXO PA REKLAMA!

SHKARKO APP

E fundit!

x

20 mijë lekë për metër katror/ Tabaku: Po tallen me banorët

5 Dhjetor 2018, 15:27, Aktualitet CNA
20 mijë lekë për metër katror/ Tabaku: Po tallen me

Banorët e Bregut të Lumit kanë protestuar sërish sot në mbrojtje të banesave të tyre që do të prishen nga projekti i Unazës së Madhe.

Protestës së banorëve i është bashkuar dhe nënkryetarja e Komisionit të Ekonomisë, Jorida Tabaku, e cila tha se sot fëmijët kanë lënë shkollën për të dalë në protestë.

?I bëj thirrje qeverisë që të mos përdorë dy standarde, i kërkoj që të gjithë banorët të trajtohen si qytetarë të Tiranës, kjo zonë është vetëm 1 kilometër larg qendrës.

Sot fëmijët kanë lënë shkollën dhe kanë dalë në të ftohtë për të protestuar për banesat e tyre. Nuk mundet shteti shqiptar që të shkelë kushtetutën?-tha Tabaku nga protesta.

Ndërkohë banorët thonë se edhe ata që i kanë pasur banesat me leje, pritet që të marrin nga shteti një dëmshpërblim qesharak, që është 20 mijë lekë të vjetra për 1 metër katror truall.

Në orën 17:00 pritet që të ketë sërish protestë nga ana e banorëve të Astirit, qëndresë kjo që po hyn në muajin e dytë të saj./CNA.al

Lajmet e fundit nga