LEXO PA REKLAMA!

SHKARKO APP

E fundit!

x

“Luli dhe Lubonja”/ Një mesazh për doktor Berishën

5 Dhjetor 2018, 13:35, Aktualitet CNA

Protestës së banorëve të ?Astirit? i është bashkuar në mënyrë simbolike edhe analisti Fatos Lubonja, i cili ka dalë në krah të PD-së.  Pas Lulzim Bashës në ?Astir? ka shkuar Fatos Lubonja.

Lubonja, është një njeri i cili shpesh në media kritikon qeverinë, është i ashpër me Edi Ramën, ka qënë i ashpër edhe me Berishën dhe për këtë ka krijuar një profil populist ose le të themi një profil, Neomarksist.

Por, më shumë sesa një çështje e profilit të Lubonjës është një çështje që ka të bëjë me profilin politik të partisë Demokratike. Lubonja është nga ata njerëz të cilët në vitin 1997 ishte në krye të turmave për të rrëzuar qeverinë e Berishës. Ka qënë nga ata njerëz, të cilët thuajsë e dogjën Shqipërinë në atë kohë, vetëm se dilnin në tribuna dhe nuk dinin me kallashnikov në dorë dhe këtë doktor Berisha e di shumë mirë.

Ndërkohë, paralel me Lubonjën tek ?Astiri? shkon  edhe Luli i doktorit. Ky i fundit shkon për çështje sociale, apo se nuk ka kauza dhe përpiqet që të kapë kauzat e qytetarëve, për t?i bërë kauzat e tij më tej për të ecur kundër qeverisë. Një tentativë të tillë e bëri edhe dje me Aldo Bumçin, duke bërë thirrje të shkonin në kryeministri për të protestuar, megjithëse nuk i shkoi askush nga pas. Është Lubonja, është edhe Luli.

Luli shkon në protestë dhe e fik zjarrin, a thua se është zjarrfikësja e urrejtjes popullore ndaj Edi Ramës dhe Lubonja që shkon në protestë me profilin e tij neo-marksist dhe si një figurë që shërben për kauza populiste, të cilat nuk kanë asnjë lidhje me trungun dhe kollonat kryesore të themeleve që ka Partia Demokratike.

E në rast se këta të dy, Luli dhe Lubonja, janë fytyra që i duhen një opozite të vërtetë për të rrëzuar Edi Ramën, o doktor ky është një problem i madh për Partinë Demokratike.

Me Lulin dhe Lubonjën, Rama nuk bie kurrë. Jo për shkak të fjalëve të Lubonjës dhe as për shkak të profilit të tij, por për shkak se ky është një komunist i pandreqshëm, i cili nuk mund t?i shërbejë kauzave të PD-së, ndërsa Luli është një i paaftë, që ashtusikurse e thamë edhe më lart shërben si zjarrfikës i urrejtjes ndaj Ramës.

Përtej kauzave dhe profilit të PD-së, si një parti e djathtë, e ka kthyer atë në një parti me profil të majtë a thua se kërkon ta çojë në formën e një partie social-demokrate apo liberale, duke u tërhequr nga formati i saj konservator. Prandaj o doktor, Luli dhe Lubonja kuptohen mjaft mirë nga shqiptarët.

Luli sepse nuk ka peshë dhe nuk është alternativë dhe Lubonja sepse është një marksist dhe komunist i pandreqshëm. Këta të dy, në ço lloj forme që ti kapësh dhe sido që t?i përdorësh, nuk kanë për ta sjellë kurrë Partinë Demokratike në pushtet.

Doktori i di këto por le t?ja themi dhe ne që Luli pret të vijë në pushtet me Lubonjen./ CNA.al

Lajmet e fundit nga