E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Fatmir Xhafaj nga enverist në rilindas i Edi Ramës/ Pse duhet Vetting për ministrin e Brendshëm?

31 Janar 2018, 11:47, Aktualitet CNA

Fjala Vetting prej gati dy vitesh është kthyer në kryefjalën e përdorur pafundësisht nga politika, por edhe opinion publik.

Tek Vettingu, shqiptarët në fakt shohin shpresën e spastrimit të shumë strukturave të korruptuara dhe abuzive në 27 vite të demokracisë shqiptare.

Vettingu është në fakt një skaner i jetës dhe aktivitetit të një individi në fushën ku ai ka operuar dhe në institucionin ku kërkon të shkojë dhe drejtojë.

Filloi si pjesë e Reformës në Drejtësi, duke u kërkuar përfundimisht transparencë për gjykatës dhe prokurorë. Një sistem i kalbur që kontributor kryesor ka politikën.

Prej disa muajsh, fjala Vetting po përmendet edhe në polici, edhe kjo një strukturë e përfshirë në skandale dhe korrupsion, që kontributorin kryesor ka sërish politikën.

Për ironi, apo për çudi, të dyja reformat, apo Vettingjet e pretenduara, janë përgatitur dhe udhëhiqen nga i njëjti person. Ky është Fatmir Xhafaj.

Reformën në Drejtësi e drejtoi vetë, e copëtoi e instrumentalizoi dhe e drejtoi tek interesat e Partisë Socialiste, kryeministrit Rama, dhe në vend të një reforme në drejtësi, dhe duke pritur Vettingun, gjithçka ka përfundur me marrjen peng të Prokurorisë nga ministri i Brendshëm, institucionet kryesore si KLP dhe KLGJ që nuk zgjidhen dot, dhe përtej akuzave politike, një bllokim i ecjes më tej të Reformës në Drejtësi, për shkak të çorbes së gatuar nga Fatmir Xhafaj.

Pas Vettingut, me shumë shpresë për shqiptarët, por të marrë peng dhe sakatuar nga Fatmir Xhafaj është shpallur Vettingu në polici.

Ministri i Brendshëm është Fatmir Xhafaj, dhe ai që gatoi çorbën e drejtësisë me një Vetting që ndoshta nuk ka për të ndodhur kurrë, po flet dhe ulëret për një Vetting në Policinë e Shtetit, për policë të korruptuar dhe të paaftë, ashtu siç fliste për gjyqtarë e prokurorë.

Vettingun në drejtësi e bën Fatmir Xhafaj, Vettingun në polici e bën Fatmir Xhafaj, po Vettingun e tij kush e bën?

Kryeministri i tij, Edi Rama ka 20 vite në pushtet, si ministër, kryetar bashkie dhe kryeministër. Xhafaj ka gatuar korrupsion në drejtësi kur ka qënë ministër, është i shumë akuzuar, por ka më shumë se vetë Rama aktivitet politik. Ka mbajtur poste të rëndësishme në qeverinë e Fatos Nanos.

Në periudhën 1997-1999, ai ka qenë Sekretari Përgjithshëm i Këshillit të Ministrave. Gjatë vitit 2002, ka qenë Ministër i Rregullimit të Territorit dhe Turizmit, ndërsa në periudhën 2004-2005, ka qenë Ministër i Drejtësisë.

Sot është ministër i Brendshëm dhe askush nuk i ka bërë Vettingun Fatmir Xhafajt për skandalet dhe korrupsionet kur ka qënë ministër Territori, për abuzimet kur ka qënë ministër Drejtësie. Për dështimet, paaftësinë dhe krimet që po ndodhin këto pesë muaj, kur ai drejton Ministrinë e Brendshme, pa folur për të tjera bëma dhe gjëma. Zoti Xhafaj është një nga të akuzuarit për lidhje me trafik droge dhe kjo më shumë sesa një herë.

Nga dje, por edhe sot, njeriu që udhëhoqi reformën dhe Vettingun në drejtësi, ai që reklamon Vettingun në polici duhet të kalojë një herë Vettingun vetë, sepse Fatmir Xhafa është nga ata që kurrë nuk do ta kapërcente verifikimin e transparencës së të shkuarës dhe të ardhmes së tij, e cila fillon në kohën e diktatorit Enver Hoxha, vazhdon me korrupsion dhe ofiqe në demokraci./ CNA.al