LEXO PA REKLAMA!

SHKARKO APP

“Tmerri” i trafikantëve të drogës/ Kryekomisarit i akordohet “Çertifikata e Karrierës”

16 Gusht 2017, 10:22, Aktualitet CNA

Drejtori i Përgjithshëm i Policisë së Shtetit Drejtues Madhor Haki Çako, i akordon

Kryekomisar Lorenc Shehu, me detyrë Komandant i Repartit të NSH Tiranë , në Drejtorinë e Forcave Lëvizëse Operacionale në Departamentin për Rendin dhe Sigurinë, me rastin e 45 vjetorit të lindjes, ÇERTIFIKATËN E KARRIERËS, me motivacionin “Për kontribut të veçantë në rritjen e standarteve të rendit dhe të sigurisë publike” .

Kryekomisar Lorenc Shehu, gjatë ushtrimit të detyrës si Komandant i Repartit të Ndërhyrjes së Shpejtë Tiranë, ka dhënë një kontribut të rëndësishëm në rritjen e standarteve fizike, profesionale dhe etike në radhët e efektivave të policisë, duke ndikuar drejtëpërsëdrejti në zgjidhjen me sukses të detyrave shumë të rëndësishme që i janë ngarkuar këtij Reparti.

Ka marrë pjesë dhe është çertifikuar në shumë trajnime të kryera brenda dhe jashtë vendit për luftën kundër terrorizmit, për menaxhimin dhe drejtimin e forcave speciale dhe forcave të ndërhyrjes së shpejtë.

Gjatë drejtimit të këtij Reparti, ka treguar profesionalizëm në operacione të vështirësisë së lartë për kapjen e personave në kërkim, në operacione të shumta për asgjësimin e bimëve narkotike në terrene të vështira, si dhe ka menaxhuar me profesionalizëm veprimtari të rëndësishme kombëtare dhe ndërkombëtare./CityNews

Lajmet e fundit nga