LEXO PA REKLAMA!

SHKARKO APP

App Store
Google Play

Ish-kreu i SHISH zbulon prapaskenat/Kush i solli muxhahedinët në Shqipëri dhe pse

16 Gusht 2017, 08:26, Aktualitet CNA

Ish-kreu i Shërbimeve Informative Shqiptare, Fatos Klosi, ka folur për ardhjen e muxhahedinëve në vendin tonë. Në një prononcim për ?Sot?, Klosi ka deklaruar se shteti shqiptar duhet të marrë masa të forta për mbrojtjen e tyre. Sipas tij, muxhahedinët i ka sjellë vetë Amerika në Shqipëri dhe kërkon që mos ta pësojnë ashtu si në Irak, ku ishin të strehuar.

?Amerika i ka sjellë vetë muxhahedinët në Shqipëri dhe trembet se Irani mos u bëj gjë. I kanë sjellë muxhahedinët në një vend që janë të mbrojtur apo siç ishin në Irak dhe Irani filloi t?ju bjerë? Këta janë armiq të regjimit të sotëm iranian. Shqipëria i është përgjigjur pozitivisht thirrjes së Amerikës për t?ju gjetur një vend të përshtatshëm muxhahedinëve. Muxhahedinët janë njerëz të shtresës së mesme iraniane, në përgjithësi të shkolluar në Perëndim. Nuk janë terroristë. Janë siç kanë qenë ballistët tanë nëpër Europë gjatë kohës së regjimit komunist. Amerikanët i kanë sjellë këtu e para se jemi miq të Amerikës dhe nuk i themi dot jo dhe e dyta, se ne jemi vend kryesisht mysliman dhe ata mund ta ndjejnë veten mirë. Qendrën ata e kanë në Paris dhe presidenti i tyre rri më shumë në Paris, dhe tani ka filluar të rrijë edhe këtu. Është bërë një kamping i madh te ish-universiteti ?Vitrina??, deklaroi Klosi.

Më tej, ish-kreu i SHISH theksoi se Irani si shtet nuk është terrorist, por presidenti i tanishëm po mbështet opozitën e Jemenit.

?Amerikanët i kanë vënë nofkën terrorist shtetit iranian. Unë nuk mendoj kështu. Irani është shtet. Presidenti i ri që ka ardhur e ka futur Iranin në shtetet që përkrahin terrorizmin. Por në atë zonën atje, ndihmojnë opozitën në Jemen. Iranianët ndihmojnë presidentin e Sirisë. Janë aleat me rusët në Siri?, sqaroi ai.

Senatorët në Tiranë diskutuan me liderët e politikës shqiptare edhe për ndikimin rus. Fatos Klosi shprehet se SHBA duhet ta bindin BE që të anëtarësojnë Ballkanin Perëndimor, në mënyrë që të minimizohet ndikimi rus. ?SHBA mos të shqetësohet dhe të vijë të na i thotë neve. T?i thotë Europës të na fusë në BE. Të futet i gjithë Ballkani Perëndimor në BE. Ky është hapi më i madh për ta mbrojtur Ballkanin nga rreziku rus?, tha Klosi./CityNews

Lajmet e fundit nga