LEXO PA REKLAMA!

SHKARKO APP

Drejtësia-Kush janë bashkëpunëtorët e shtetit që u skualifikuan/Zgjidhen 7 kandidatë nga avokatia

16 Gusht 2017, 10:44, Aktualitet CNA

Kuvendi hodhi ditën e djeshme një hap të rëndësishëm në drejtim të zbatimit të reformës në drejtësi, teksa përzgjodhi kandidatët nga radha e avokatisë për Këshillin e Lartë prokurorisë.

Nga 17 persona në garë, vetëm 7 kanë pambushur kushtet e kërkuara nga ligji, ndërsa pjesa tjetër janë skualifikuar, shkruan ?Sot?.

Sipas Kuvendit, emrat e përzgjedhur janë: Florteta Gjini, Gëzim Allaraj, Kozma Jano, Nurihas Seiti Meta, Petrit Gaçi, Tartar Bazaj, Veronika Vangjeli. ?Për sa i takon procesit të verifikimit të plotësimit të kushteve ligjore nga kandidatët në veçanti për kontrollin e integritetit të kandidatëve dhe vetëdeklarimeve të parashikuara nga gërmat ?g? dhe ?gj’ të pikës 3 të nenit 117 të ligjit nr. 115/2016. Sekretari i Përgjithshëm konstatoi se ky verifikim është kryer nga Komisioni i Pavarur. Ad-Hoc, në përmbushje të kërkesave të parashikuara nga neni 129 i ligjit nr. 115/2016.

Në këtë kuadër, nga praktika e përcjellë nga Avokati i Popullit rezulton se nga ana e këtij të fundit është kërkuar kryerja e verifikimeve për të gjithë kandidatët që kanë aplikuar për anëtar të Këshillit të Lartë të Prokurorisë, pranë këtyre institucioneve: Prokurorisë së Përgjithshme, Autoritetit Për të Drejtën e informimit mbi Dokumentet e Ish-Sigurimit të Shtetit të Republikës Popullore Socialiste të Shqipërisë, Inspektorati i Lartë i Kontrollit dhe Deklarimit të Pasurive dhe Konfliktit të interesave, Kontrollit të Lartë të Shtetit dhe Drejtorisë së Përgjithshme të Parandalimit të Pastrimit të Parave?, thuhet në raport.

Sa i takon emrave të skualifikuar, Kuvendi në argumentet e tij ka bërë me dije se shkaku kryesor është mungesa e përvojës. Të gjithë ata që kanë mbetur jashtë kanë pasur më pak se 15 vite përvojë në fushën e avokatisë dhe për këtë arsye janë përjashtuar. Në disa raste ka pasur dhe mungesë dokumentacioni. Emrat e skualifikuar janë: Aleksandër Raspopi; Arben Spaho; Betula Toto; Besimi Peka; Ilir Nikolla; Ismail Uka; Simon Vorfi; Suela Sulkja; Valentina Teodoresku; Vjollca Pustina. Nga emrat e skualifkuar veçohet Simon Vorfi, i cili ka garuar dhe për Këshillin e Lartë Gjyqësor, por është sualifikuar sepse ka rezultuar i lidhur me ish-Sigurimin e Shtetit. ?Simon Vorfi ka shprehur interesin për anëtar të Këshillit të Lartë të Prokurorisë nga radhët e avokatëve.

Nga verifikimi i dokumentacionit të bërë nga Komisioni i Pavarur Ad-Hoc pranë Avokatit të Popullit rezulton se kandidati nuk përmbush kushtin ligjor të parashikuar nga gërma ?g? e pikës 3 të nenit 117 të ligjit nr. 1 15:2016 ?Për organet e qeverisjes së sistemit të drejtësisë?. Mosplotësimi i këtij kushti është konfirmuar nga shkresa nr. 153, datë 24.03.2017, e paraqitur nga Autoriteti për Informimin mbi Dokumentet e Ish-Sigurimit të Shtetit?, thuhet në dokument. Më tej është deklaruar se në listën e kandidatëve për Këshillin e Lartë të Prokurorisë nga avokatia, që nuk përmbushin kushtet ligjore është përfshirë edhe kandidati Arben Spaho, pasi sipas Kuvendit, referuar raportit vlerësues të përgatitur nga Komisioni Ad-Hoc rezulton se z.Spaho ka aplikuar vetëm si kandidat për anëtar të Këshillit të Lartë Gjyqësor dhe jo të Këshillit të Lartë të Prokurorisë./CityNews

Lajmet e fundit nga