web counter
LEXO PA REKLAMA!

SHKARKO APP

App Store
Google Play

Rrahja brutale e një gazetari dhe heshtja brutale e politikës

8 Mars 2017, 14:25, Aktualitet CNA

Elvi Fundo është drejtuesi i portalit ?Citynews.al?. Ai u masakrua në kuptimin e plotë të fjalës, duke u qëlluar me sende hekuri, grushta dhe shkelma, nga dy persona që i kishin zënë pritë afër zyrave të tij, tek ?Bulevardi Zogu i Parë?, afër ?Stacionit të Trenit?.

Fundo është një gazetar i angazhuar politikisht afër Partisë Demokratike.

Në një periudhë ai ka qenë dhe zëdhënës i ish- ministrit të Financave, Ridvan Bode.

Portali i tij është ndoshta media më jo konformiste me PD e sotme, pasi megjithëse është i pozicionuar pro PD, është shpesh kritik me individë apo veprime të drejtuesve të PD.

Nga ana tjetër, është gjithnjë kritik me qeverinë dhe faktorë të tjerë në shoqëri.

Sulmi barbar ndaj tij po shoqërohet në mënyrë të shëmtuar me një heshtje barbare ndaj këtij akti, si nga opozita, që e ka pjesë të saj, ashtu dhe nga qeveria dhe organizatat e gazetarëve.

Së fundmi Fundo ka pasur një fushatë kritike ndaj një TV që Basha e ka shpallur si modelin e TV që nuk i bindet ?Republikës së Drogës? dhe ndoshta është kompleksuar të reagojë.

Policia shpresojmë se do bëjë çfarë është e mundur, duke përdorur kamerat e sigurisë në rrugë, për të kapur autorët e këtij sulmi, të cilët do të vlejnë jo vetëm për të shkuar drejt agresorit të vërtetë, por dhe për të zhdukur ndjenjën e frikësimit ndaj gazetarëve, frikë, që po tentojnë të mbjellin grupe kriminale, duke përfituar nga debati i skajshëm politik.

Është detyrë e qeverisë t?i shkojë deri në fund këtij hetimi, duke i dhënë përparësi, si një ngjarje që mund të trimërojë banditët dhe të frikësojë gazetarët në të ardhmen./Tema





Lajmet e fundit nga