LEXO PA REKLAMA!

SHKARKO APP

Sulmi kibernetik preku edhe Komisionet e Vettingut/ Vendimet publikohen me vonesë

15 Gusht 2022, 15:14, Vetingu CNA

Sulmi kibernetik preku edhe Komisionet e Vettingut/ Vendimet publikohen me

Sulmi kibernetik që ndodhi në muajin korrik ka prekur edhe faqet zyrtare të Komisioneve të Vettingut.

Konfirmimi vjen nga Komisioni i Pavarur i Kualifikimit, i cili justifikon vonesën në publikimin e vendimeve.

Faqet e institucioneve shtetërore ranë pre e sulmit kibernetik dhe shërbimet online u paralizuan.

Në fillim të këtij muaji, Drejtoresha e Agjencisë Kombëtare të Shoqërisë së Informacionit, Mirlinda Karçanaj, informoi publikun shqiptar për situatën aktuale.

Në një dalje publike, së bashku me zëvendëskryeministren Belinda Balluku dhe përfaqësuesin e skuadrës speciale të “Microsoft” për sigurinë kibernetike, Kevin Chin, Karçanaj dha detaje për ngjarjen dhe për rikthimin në normalitet të shërbimeve.

Lidhur me rastin e paprecedentë, Karçanaj theksoi se përgjigjja e AKSHI-t në këtë betejë kibernetike ka qenë në dy fronte kryesore: rikuperimi i të gjitha sistemeve dhe infrastrukturave kritike qeveritare dhe paralelisht dhe izolimi i aktivitetit keqdashës. Falë reagimit të shpejtë të sistemeve mbrojtëse dhe të stafeve teknike,- siguroi drejtuesja e AKSHI-t, –  nuk pati humbje të dhënash, ndërkohë që ka nisur hetim i thelluar, për të zbardhur sa më parë krimin kibernetik./CNA.al

Sulmi kibernetik preku edhe Komisionet e Vettingut/ Vendimet publikohen me

Lajmet e fundit nga