LEXO PA REKLAMA!

SHKARKO APP

Nuk justifikoi pasurinë/ Shkarkohet gjyqtari i Administratives

29 Korrik 2022, 12:04, Vetingu CNA
Nuk justifikoi pasurinë/ Shkarkohet gjyqtari i Administratives
Emiljano Ruli

Komisioni i Pavarur i Kualifikimit ka shkarkuar nga detyra gjyqtarin të Gjykatës Administrative, Emiljano Ruli. 

Ky i fundit u rivlerësua nga Trupa e kryesuar nga Olsi Komici me relatore Xhensila Pinen dhe anëtare Valbona Sanxhaktarin.

Pas rihapjes së hetimeve dhe zbutjes së balancës negative në kriterin e pasurisë, Ruli nuk e kishte provuar të kundërtën e barrës së provës.

Sipas "Birn", gjyqtarit iu bë me dije në seancën e dytë dëgjimore se KPK kishte pranuar argumentet e tij dhe kishte gjetur se një hua në vlerë 4 milionë lekë marrë për blerjen e një apartamenti ishte me burime të ligjshme.

Por Komisioni, siç tha relatorja në seancë, i qëndronte sërish mendimit se babai i Rulit nuk kishte pasur të ardhura për huanë tjetër në shumën 3 milionë lekë. Ruli që ishte gjetur në seancën e parë me bilanc negativ prej 8.2 milionë lekësh, kundërshtoi gjetjen dhe këmbënguli se babai i tij kishte pasur të ardhura.

Gjyqtarit po ashtu iu kërkuan shpjegime edhe mbi disa çështje në kriterin e profesionalizmit.

Emiljano Ruli përfundoi studimet në Shkollën e Magjistraturës në vitin 2006 dhe u emërua gjyqtar në Gjykatën e Shkodrës. Prej vitit 2013, Ruli e ushtron funksionin në Gjykatën Administrative të Shkallës së Parë Tiranë. Në cilësinë e vëzhguesit ndërkombëtar në seancë ishte i pranishëm Gerrit Sprenger./CNA.al

Lajmet e fundit nga