web counter
LEXO PA REKLAMA!

SHKARKO APP

App Store
Google Play

"Twitter", jashtë funksionit për mijëra përdorues në mbarë botën

14 Korrik 2022, 21:43, Tech CNA
"Twitter", jashtë funksionit për mijëra përdorues
Foto ilustruese

Rrjeti social “Twitter Inc.” u ndërpre për mijëra përdorues në të gjithë globin të enjten, ndërprerja e parë e tillë që nga muaji shkurt, sipas faqes së internetit të gjurmimit “Downdetector.com.”

Ka pasur më shumë se 27,000 incidente të njerëzve që raportuan probleme me "Twitter"-in në Shtetet e Bashkuara, sipas faqes së internetit. Përdoruesit në vende të tjera, përfshirë Mbretërinë e Bashkuar, Meksikën, Brazilin dhe Italinë gjithashtu raportuan se "Twitter" nuk funksiononte.

Individët që tentonin të përdornin platformën e mediave sociale u përballën me një mesazh që thoshte “'Tweet'-et nuk po ngarkohen tani. Provo përsëri."

Nuk ishte e qartë se çfarë e shkaktoi ndërprerjen. "Twitter" nuk iu përgjigj menjëherë një kërkese për koment, bën të ditur "REL".

"Twitter" në shkurt pësoi një ndërprerje që pezulloi shërbimet për disa mijëra përdorues të tij. Më vonë, ajo tha se rregulloi një defekt softuerësh në faqen e saj të mikro-blogimit.

Ndërprerja vjen disa ditë pasi "Twitter" paditi CEO-n e "Tesla"-s, Elon Musk për shkeljen e marrëveshjes prej 44 miliardë dollarësh për të blerë kompaninë.

"Twitter" i kërkoi një gjykate në Delaware që të urdhëronte personin më të pasur në botë që të përfundonte blerjen prej 54 eurosh për aksion të "Twitter"-it./CNA.al





Lajmet e fundit nga