LEXO PA REKLAMA!

SHKARKO APP

U tërhoq nga marrëveshja/ Elon Musk hyn në telashe me "Twitter"

13 Korrik 2022, 10:50, Tech CNA
U tërhoq nga marrëveshja/ Elon Musk hyn në telashe me
Elon Musk

Pak ditë më parë, Elon Musk u tërhoq nga marrëveshja për të blerë kompaninë "Twitter".

Nuk ka kaluar shumë kohë dhe "Twitter" ka reaguar ndaj tij, duke dërguar në gjykatë një padi për mosrespektim të marrëveshjes për blerjen e rrjtetit social.

Me anë të kësaj padie, "Twitter" i ka kërkuar gjykatës në Delaware të urdhërojë njeriun më të pasur në botë që të përmbushë obligimin dhe të paguajë shumën e premtur, siç ishte shkruar edhe në kontratë.

Sipas kreut të bordit në "Twitter", Bret Taylor, kontrata që ka me Elon Musk e obligon atë që të respektojë dhe përmbushë detyrimet. Ai ka kërkuar nga gjykata që ta trajtojë me prioritet rastin.

Përveç kësaj, në padi ekziston një listë e gjatë e pikave që sipas "Twitter"-it, Musk nuk i është përmbajtur.

Kujtojmë se arsyeja që Elon Musk hoqi dorë nga blerja e "Twitter"-it është se bordi i rrjetit nuk i ka dhënë informacionet e nevojshme për llogaritë e rreme në këtë platformë./ CNA.al

Lajmet e fundit nga