Telefonata dhe mesazhe nëpërmjet syzeve/ "Ray Ban" vjen me risi

14 Korrik 2022, 12:13, Tech CNA
Telefonata dhe mesazhe nëpërmjet syzeve/ "Ray Ban" vjen me
Foto të syzeve Ray Ban

CEO i Meta-s, Mark Zuckerberg, ka prezantuar një risi me syzet Ray Ban – Storires.

Zuckerberg njoftoi se përdoruesit e syzeve inteligjente mund të bëjnë telefonata dhe të lexojnë apo dërgojnë mesazhe nga "WhatsApp".

Por jo vetëm kaq, për një kohë shumë të shkurtër pritet gjithashtu të bëhet e mundur që t’u përgjigjemi drejtpërdrejt mesazheve të "Messenger" apo "WhatsApp"-it  nëpërmjet komandës zanore.

Falë këtij përditësimi, përdoruesit do të mund të bëjnë telefonata dhe të dërgojnë mesazhe duke thënë: “Hej 'WhatsApp' dërgo një mesazh…” ose “Hey 'Messenger' telefono…”

Që të funksionojë në mënyrë të plotë, syzet duhet të lidhen me pajisje IOS ose Android. Gjithashtu përdoruesit e syzeve do të kenë mundësinë të bëjnë dhë të ruajnë qindra foto si dhe video dhe me anë të syzeve do të mund t’i transferojnë më pas me mesazhe.

Kjo do të jetë e mundur falë aplikacionit “View” të "Facebook". Kamerat binjake i lejojnë përdoruesit gjithashtu të shtojnë efektet 3D në fotot dhe videot e tyre, pasi t’i ngarkojnë ato në aplikacion.

Por jo vetëm kaq, këto syze do t’i lejojnë përdoruesit të bëjnë foto dhe video me dy kamera 5 MP si dhe të dëgjojnë muzikë me altoparlantët brenda kornizës dhe të marrin telefonata.

Çmimet fillestare të këtyre syzeve inetelegjente kapin shifrat e 299 dollarëve./ Përshtatur nga CNA.al

Lajmet e fundit nga