LEXO PA REKLAMA!

SHKARKO APP

Google dhe Kanada arrijnë marrëveshje për të shmangur ndalimin e lajmeve

29 Nëntor 2023, 20:47, Tech CNA

Google dhe Kanada arrijnë marrëveshje për të shmangur

Google ka arritur një marrëveshje me Kanadanë për të shmangur një bllokadë lajmesh mbi një ligj që detyron gjigantët e teknologjisë të paguajnë për përmbajtjen e lajmeve, raporton BBC.

Google ishte zotuar të heqë lidhjet me lajmet në Kanada në përgjigje të Aktit të Lajmeve Online, që do të hyjë në fuqi më 19 dhjetor.

Gjigandi i rrjeteve sociale Meta tashmë po bllokon lajmet në platformat e tij si pasojë e ligjit.

Marrëveshja vjen pas muajsh bisedimesh mes gjigantit të kërkimit dhe Kanadasë.

Ligji - i cili synon Google dhe Meta, pronar i Facebook dhe Instagram - kërkon që firmat e teknologjisë të negociojnë marrëveshjet e pagesave me mediat.

Marrëveshja e shpallur të mërkurën kërkon që Google të paguajë 100 milionë dollarë kanadezë (58 milionë funte, 74 milionë dollarë) çdo vit, të indeksuar me inflacionin, për mediat.

Akti i Lajmeve Online i Kanadasë u prit me zemërim nga kompanitë e teknologjisë kur u miratua këtë verë, ndërsa shumë grupe mediatike e përshëndetën atë si një hap pozitiv drejt drejtësisë së tregut./ CNA

 

Lajmet e fundit nga