LEXO PA REKLAMA!

SHKARKO APP

Prish harmoninë sociale dhe sjell dëme për shoqërinë, Nepali bllokon “Tik Tok”-un

14 Nëntor 2023, 14:09, Tech CNA
Prish harmoninë sociale dhe sjell dëme për shoqërinë,
Tik Tok

Nepali është shteti i radhës i cili ndaloi përdorimin e aplikacionit “Tik Tok”. Qeveria e Nepalit e ka argumentuar këtë vendim duke thënë se ndikon në harmoninë sociale, sjell dëme në shoqëri dhe jep mesazhe të gabuara për të rinjtë.

“Vendimi për ndalimin u mor sot dhe autoritetet përkatëse aktualisht po trajtojnë çështjet teknike”, tha të hënën ministrja për komunikim dhe teknologji informative, Rekha Sharma.

Platforma “Tik Tok”, e cila ka rreth një miliard përdorues në muaj, është përballur me kufizime në shumë vende për shkelje të rregullave të të dhënave personale dhe për ndikimin e mundshëm të disa përmbajtjeve tek të rinjtë.

Institucionet e Nepalit kanë bërë disa padi për nxitje të urrejtjes fetare, dhunë dhe abuzime seksual. Në disa raste videot e publikuara në “Tik Tok” kanë çuar në përleshje masive si dhe krime të ndryshme.

Një rast që ka sjellë dhunë në Indi dhe vende të tjera ka qenë ai i përplasjes mes myslimane dhe besimeve të tjera për shkak të publikimeve në këtë aplikacion.

Disa orë pasi vendimi u bë publik, videot mbi ndalimin e “Tik Tok” morën mijëra shikime, raporton “The Guardian”.

Gagan Thapa, kreu i partisë së Kongresit Nepal, e cila është pjesë e koalicionit qeverisës, tha se qëllimi i qeverisë është të mbysë lirinë e shprehjes.

Vendimi vjen disa ditë pasi Nepali prezantoi një direktivë që kërkon që platformat e mediave sociale që veprojnë në vend të krijojnë zyra.

TikTok është platforma sociale e gjashtë më e përdorur në botë, sipas agjencisë së marketingut We Are Social. Shumë vende kanë kërkuar të forcojnë kontrollet në mediat sociale për shkak të ndikimit të tyre të mundshëm te fëmijët./CNA

 

Lajmet e fundit nga