LEXO PA REKLAMA!

SHKARKO APP

VIDEO/ Ronaldo nuk di të ndalet, shënon tripletë golash në pjesën e parë

3 Prill 2024, 11:56, Sport CNA

VIDEO/ Ronaldo nuk di të ndalet, shënon tripletë golash në

Edhe pse pak javë më parë festoi 39-vjetorin e lindjes, Cristiano Ronaldo, nuk ndalet së shënuari. Sulmuesi portugez vazhdon të lërë shenjë edhe në Arabinë Saudite, me skuadrën e Al Nassr.

Ronaldo ishte protagonist absolut, në fitoren me shifrat e thella 8-0 ndaj Abha. Ylli portugez realizoi tipletë golash në pjesën e parë. Luzitani fillimisht zhbllokoi sfidën nga goditja e dënimit në minutën e 11-të, ndërsa të njëjtën gjë bëri edhe 10 minuta më vonë.

39-vjeçari kompletoi tripletën personale në minutën e 43-të, duke shënuar një supergol me parabël. Gjithashtu ai ishte protagonist me asist në dy golat e tjerë të pjesës së parë.

Në pjesën e dytë, Ronaldo u zëvendësua, me trajnerin që nuk donte ta rrezikonte, për ta pasur gati edhe për ndeshjet e tjera.

Këtë sezon me Al Nassr, Ronaldo është aktivizuar në 24 ndeshje dhe shifrat janë mbresëlënëse, me 29 gola të shënuar dhe 10 asiste.

Sa i përket Al Nassr, skuadra duket se e ka humbur garën për titullin kampion, pasi mban vendin e dytë ne renditje me 62 pikë, plot 12 pikë më pak se Al Hilal që kryeson. 

Lajmet e fundit nga