web counter
LEXO PA REKLAMA!

SHKARKO APP

App Store
Google Play

Penallti dhe karton i kuq, Juventusi barazon në miqësoren e parë

18 Korrik 2026, 19:20, Sport CNA

Penallti dhe karton i kuq, Juventusi barazon në miqësoren e parë

Juventusi ka nisur përgatitjet për sezonin 2026-2027 me një barazim pa gola në ndeshjen e parë miqësore të verës. Skuadra e drejtuar nga Luciano Spalletti u përball në transfertë me Baselin, ekip që drejtohet nga ish-mbrojtësi bardhezi Stephan Lichtsteiner.

Në këtë test të parë, Spalletti vendosi të provojë disa elementë të rinj dhe disa futbollistë që rikthehen në qendër të projektit. Në formacion u panë edhe emra si Douglas Luiz, Zhegrova dhe Ekhator, futbollisti i ardhur së fundmi nga Genoa.

Në minutën e 29-të, Ekhator ndjeu një shqetësim fizik në gju dhe u detyrua të largohej nga fusha. Për të shmangur komplikime të mëtejshme, stafi teknik vendosi ta zëvendësojë menjëherë, ndërsa në vend të tij u aktivizua Openda. Në fillimin e pjesës së dytë, Miretti pati një mundësi të mirë për të kaluar Juventusin në avantazh, por nuk arriti të konkretizonte përballë portierit.

Një nga episodet kryesore të ndeshjes ndodhi në minutën e 58-të. Arthur shkaktoi një penallti për Bazelin pas ndërhyrjes ndaj Otele brenda zonës. Vetë Otele mori përsipër ekzekutimin e 11-metërshit, por Perin, i futur në lojë në minutën e 46-të në vend të Di Gregorio, reagoi në mënyrë të shkëlqyer dhe priti goditjen, duke mbajtur rezultatin të pandryshuar.

Juventusi vazhdoi të kërkonte golin. Në minutat e fundit, protagonisti kryesor ishte sërish portieri i Baselit. Në minutën e 84-t, Salvi ndërhyri ndaj Opendas pranë zonës duke ndalur një kundërsulm të rrezikshëm të Juventusit. Gjyqtari e ndëshkoi me karton të kuq, duke lënë ekipin zviceran me një lojtar më pak. Megjithatë, Juventusi nuk pati shumë kohë në dispozicion për të përfituar nga superioriteti numerik.

Ndërkohë, përgatitjet e Juventusit do të vazhdojnë në ditët në vijim. Testi i radhës është planifikuar për më 25 korrik në Belgjikë, ku bardhezinjtë do të përballen me Standard Liege.





Lajmet e fundit nga