Haaland "trondit" Brazilin, Norvegjia në çerekfinale

5 Korrik 2026, 22:00, Sport CNA

Kombëtarja e Brazilit dhe ajo e Norvegjisë do të përballen në New Jersey në kuadër të raundit të 1/8-ave të Kupës së Botës.

Skuadra amerikano-latine vjen në këtë takim pas një rritjeje të formës në ndeshjen e kaluar ndaj Japonisë, pasi hasi në vështirësi gjatë startit të turneut.

Nga ana tjetër, përfaqësuesja europiane mban një rekord pozitiv historik, duke qenë se nuk ka pësuar asnjë humbje në përballjet e mëparshme direkte me pesë herë kampionët e botës. Madje, norvegjezët numërojnë një triumf ndaj brazilianëve me rezultatin 2-1 në edicionin e Botërorit të vitit 1998.

Pavarësisht këtyre statistikave, ekipi i drejtuar nga Carlo Ancelotti vlerësohet si favoriti kryesor për të siguruar një biletë në fazën çerekfinale.

BRAZIL-NORVEGJI 1-2

KOMENTI LIVE

Mbyllet ndeshja.

100’- GOOOOL BRAZILI 1-2! Ngushton shifrat Neymar, duke shënuar nga penalltia.

90’- GOOOOOOL NORVEGJIA 0-2! Çfarë supergoli nga Erlind Haaland. Sulmuesi i befason të gjithë me një predhë nga jashtë zone, për të afruar kualifikimin.

79’- GOOOOOL NORVEGJIA 0-1! Shpërthen festa e nordikëve. Shënon i përhershmi Haaland, i cili kërcen mbi të gjithë në zonë dhe i shënon Brazilit.

76’- Norvegjia i afrohet avantazhit me Schjelderup, por Alisson bën një pritje spektakolare dhe mban portën e paprekur.

68’- Dy zëvendësime te Brazili. Neymar merr vendin e Martinellit, ndërsa Danilo Santos futet në vendin e Rayan.

67’- Tjetër mundësi për Norvegjinë. Haaland nuk arrin të shtyjë në portë një top të marrë në zonë.

65’- Dalje e pasigurt e Alisson, por Haaland nuk përfiton.

63’- Pritje e shkëlqyer e Nyland ndaj Guimaraes. Në përfundim të aksionit akordohet pozicion jashtë loje.

59’- Rast ideal i shpërdoruar nga Brazili. Vinicius me një pasim të shkëlqyer, nxjerr Endrick të vetëm me portierin. Sulmuesi gabon gjithçka dhe gjuan jashtë.

54’- Mundësi e mirë për Vinicius nga e majta, por në momentin e fundit nuk kontrollon si duhet dhe fiton goditje këndi.

45′- Starton pjesa e dytë.

Mbyllet pjesa e parë.

45’+4’- Mundësi e artë shënimi për Brazilin. Casemiro kroson, Martinelli del i vetëm por nuk gjuan dot me kokë, për ta dërguar në rrjetë.

45+3’- Shpëton Brazili. Pritje vendimtare nga Alisson ndaj Odegaard.

40’- Mundësi e artë shënimi për Brazilin. Vinicius del i lirë në zonë, por gjuajtja ndalet nga portieri Nyland.

36’- Odegaard tenton te surprizojë, por gjuajtja prek rrjetën e jashtme.

34’- Gjuajtje e Vinicius në zonë, por e ndal mbrojtësi Wolfe.

30’- Shpëton me fat Norvegjia. Martinelli del bukur në zonë pas asistit të Vinicius, por Nyland e devijon topin me këmbë. Rrezikohet autogoli, me topin që kalon pasqyrën e portës.

24’- Tjetër mundësi e mirë për Brazilin. Cunha tenton duelin një kundër një, por mbyllet në momentin e fundit.

14’- Nuk i besojnë syve te Brazili. Guimaraes dështon të shënojë, pasi gjuajtja e tij ndalet nga portieri.

11’- Arbitri shkon në VAR dhe akordon penallti për Brazilin.

Haaland "trondit" Brazilin, Norvegjia në çerekfinale