web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ “Do ju ndjek gjithmonë”, Ramadani largohet nga Lecce. Zbulohet ekipi i ri

5 Korrik 2026, 18:42, Sport CNA

ZYRTARE/ “Do ju ndjek gjithmonë”, Ramadani largohet nga Lecce.

Ylber Ramadani ka konfirmuar zyrtarisht largimin nga kampionati italian pas tre vitesh aktivizim me skuadrën e Leçes.

Përmes një postimi në llogarinë e tij në Instagram, mesfushori i kombëtares shqiptare ka përshëndetur klubin, ku ndau një video me momentet më pikante të karrierës së tij në Seria A.

Në mesazhin e tij lamtumirës, futbollisti shprehu mirënjohje të thellë për drejtuesit e klubit, stafin teknik dhe tifozët që e kanë mbështetur gjatë kësaj periudhe.

Ramadani e cilësoi Leçen si shtëpinë e tij të dytë dhe premtoi se do të mbetet gjithmonë një ndjekës i skuadrës.

"Lecce, shtëpia ime, dua të të falënderoj nga thellësia e zemrës sime për këto 3 vite që kam kaluar këtu, është sikur te kem jetuar këtu për 30 vjet. Dua të falënderoj drejtorin Corvino Trinchera dhe presidentin. Dua të falenderoj të gjithë trajnerët e mi që më kanë ndjekur këto 3 vite te Lecce dhe në fund të gjithë tifozët e mrekullueshëm që më kanë mbështetur gjithnjë si në momentet e bukura dhe ato të vështira. Ju uroj të gjithëve më të mirën. Do t’ju ndjek gjithmonë Lecce", shkruante në postimin e tij në Instagram, Ylber Ramadani.

Tashmë, karriera e mesfushorit kuqezi do të zhvendoset në Turqi, ku ai do të bashkohet me ekipin e Çorum FK në Superligë.

Ky transferim shënon një etapë të re profesionale për lojtarin, i cili kërkon objektiva më të lartë në kampionatin turk.





Lajmet e fundit nga