LEXO PA REKLAMA!

SHKARKO APP

Fenerbahce largohet nga kampionati turk? Merret vendimi

3 Prill 2024, 12:00, Sport CNA

Fenerbahce largohet nga kampionati turk? Merret vendimi

Skuadra e Fenerbahces do të vazhdojë të jetë pjesë e kampionatit turk, të paktën për këtë sezon. Klubi turk paralajmëroi një tërheqje të mundshme pas dhunës në fund të ndeshjes me Trabzonspor.

Lojtarët u sulmuan në fushë nga tifozët e Trabzonspor, pas fitores në derbi, çka solli nje reagim të ashpër. Drejtuesit kishin njoftuar një asamble dëgjimore me 2 prill, aty ku morën pjesë plot 25 mijë tifozë të Fenerbahce-s. Këta të fundit kërkuan tërheqjen nga kampionati turk, por drejtuesit tentuan të mos marrin vendim të nxituar.

Palët vendosën që skuadra të jetë pjesë e kampionatit turk, të paktën deri në fund të sezonit dhe në verë do të ketë një tjetër asamble, ku do të diskutohet pikërisht për tërheqjen e mundshme nga kampionati.

Presidenti i Fenerbahce-s, Ali Koç, deklaroi se lojtarët i kanë thënë që duan të luftojnë deri në fund për t’u bërë kampionë. Vendimi për t’u tërhequr nga kampionati është lënë mënjanë deri në Asamblenë e radhës, pas 3 muajsh. Mes propozimeve, dikush tha që do ishte më mirë të aktivizoheshin të rinjtë në kampionat dhe ekipi i parë në Ligën e Konferencës, por nuk duan të jenë thjesht figurantë në fushë.

Në Superligën Turke, Fenerbahce mban vendin e dytë në renditje me 79 pikë, 5 pikë më pak se Galatasaray që kryeson, por me një ndeshje më shumë të luajtur. Dy klubet po rivalizojnë ashpër mes tyre për titullin kampion, ndërsa në javën e parafundit kanë perballjen direkte për të luajtur.

Lajmet e fundit nga