web counter
LEXO PA REKLAMA!

SHKARKO APP

App Store
Google Play

Bayern Munich "piketon" një italian për stolin

3 Prill 2024, 13:03, Sport CNA

Bayern Munich "piketon" një italian për stolin

Trajneri italian, Roberto de Zerbi, mund të jetë në stolin e Bayern Munich, nga sezoni i ardhshëm. Kampionët e Gjermanisë janë në kërkim të një trajneri të ri, pasi Tuchel njoftoi se do të largohet në fund të sezonit.

I pari në listën e bavarezëve për stolin, ka qenë tekniku spanjoll, Xabi Alonso, por trajneri aktual i Leverkusen, deklaroi se do të qëndrojë tek “Aspirinat” edhe për sezonin e ardhshëm.

Në këtë situatë, te Bayern-i, nisën nga puna, për të gjetur një profil të ri dhe kanë hedhur sytë nga Premier League. Italiani De Zerbi, i cili është në drejtimin e Brighton, pëlqehet shumë nga gjermanët.

Sipas "Bild", bavarezët shfrytëzuan pushimin e kombëtareve për të nisur kontaktet me trajnerin italian, i cili është lidhur me Brighton me një kontratë deri në vitin 2026 dhe ka një klauzolë shitje prej 14 milionë Eurosh.

Gjermanët, e pëlqejnë shumë mënyrën e lojës së 44-vjeçarit dhe duan t’ia besojnë ati çelësat e skuadrës. I pyetur për këtë interesim, De Zerbi tha se është i fokusuar te puna me Brighton, ndërsa shtoi se ka kohë për të ardhmen.

“Në këtë moment ju më pyesni shumë herë nëse do të largohem. Unë jam krenar që jam trajner i Brighton. E di që jam vërtet me fat që punoj me këta lojtarë dhe që punoj me këtë klub. Do të doja të garoja me një skuadër të plotë, por, përpiqem të luaj me lojtarët në dispozicion dhe mendoj se ata janë të mjaftueshëm. Ka kohë për të ardhmen”, u shpreh De Zerbi.

Tekniku italian, ndiqet prej kohësh edhe nga skuadra e Barcelonës, që gjithashtu është në kërkim të një zëvendësuesi. Merkato e verës, pritet të jetë e nxehtë për De Zerbin, që po përgatitet për hapin e madh në karrierë.





Lajmet e fundit nga