LEXO PA REKLAMA!

SHKARKO APP

E fundit!

x

Në një vend ku të rriturit betohen për kokën e fëmijës…!

28 Shtator 2022, 15:57, Sociale CNA
Në një vend ku të rriturit betohen për kokën e
Foto ilustruese

Në një vend ku rritja e fëmijës quhet sakrificë e mundim dhe të rriturit betohen për kokën e fëmijës, pa diskutim që do të ketë të rritur të papërgjegjshëm dhe mbi të gjitha të dhunshëm.

Në mënyrën tonë të edukimit dhuna fizike dhe verbale është prezente. Pra ende vazhdon edukimi nëpërmjet frikës dhe jo nëpërmjet përgjegjësisë dhe respektit të njeriut ndaj njeriut.

Në këtë mënyrë edukimi e ka zanafillën edhe dhuna e krimi në familje dhe e burrit ndaj gruas. Një fëmijë që rritet me frikën dhe ndjenjën e fajit ndaj nënës apo babait apo të dyve bashkë, nuk mund të bëhet një i rritur i përgjegjshëm dhe njeri i lirë e pa komplekse.

Një njeri i lirë nuk fyen dhe vret një njeri tjetër aq më tepër një njeri të familjes. Krimi në familje dhe vrasja e grave nga bashkëshortët dhe të dashurit po rritet.

Ky fenomen i frikshëm, është tregues i një edukimi të mbrapshtë që vazhdon të jetë prezent dhe të dominojë mënyrën tonë se si i rrisim fëmijët. / Marrë nga facebooku i Dr. Lira Gjika

Lajmet e fundit nga