LEXO PA REKLAMA!

SHKARKO APP

“E papranueshme që 600 nxënës kanë marrë notën 10!”/ Specialisti i arsimit: Testi i matematikës ishte i thjeshtë

28 Qershor 2022, 21:31, Sociale CNA
“E papranueshme që 600 nxënës kanë marrë
Fatmir Vejsiu, specialist arsimi

Fatmir Vejsiu, specialist arsimi ka folur për problemet që ka matura shtetërore, notat e ulëta dhe vlerësimin maksimal të nxënësve.

Vejsiu theksoi se teza e matematikës në provimet e maturës ishte shumë e thjesht pasi është e papranueshme sipas tij që 600 nxënës të marrin notën maksimale 10.

“Janë rreth 5 mijë që është një numër i konsiderueshëm që kanë mbetur në maturën shtetërore. Ka kontradiksion midis nivelit të ulët të tezës dhe numrit të konsiderueshëm të mbetësve.

Por kemi dhe një diferencë që kemi shumë nxënës që kanë marrë notën maksimale, pra janë rreth 600 nxënës që kanë marrë 10.00 që për mua si mësues matematike prej 50 vitesh më bën pak përshtypje sepse të duket sikur niveli i nxënësve është shumë i mirë.

Por kur shikon tezën është i tillë që mund ta marrë 10 kushdo. Të gjithë nxënësit kanë thënë që teza ishte e lehtë pra pajtohen me të qenurit i lehtë një test që nuk shërben për të marrë një notë por është një indikator që ndikon te e ardhmja jote. Psh nxënësit që shkojnë mjekësi duhet të kenë nota maksimale për të shkuar aty.

Nëse këtë notë 10 e merr një nxënës jo i mirë sepse teza ishte e lehtë atëherë jemi në të njëjtin start dhe do të përfundojmë në të njëjtën kohë në finish duke të sfiduar në pikët që merr në universitet. Pra të shikosh notën si notë, të gëzohesh pse nxënësit kanë marrë nota të mira për mua është dëshpëruese sepse nuk bëhet evidentimi. Në matematikë nuk mund të thuash është provim i lehtë. Unë e kam të vështirë për të përcaktuar një nxënës ekselent pa e parë cfarë pune ka bërë.

Ndërsa një dicka dëshpërues nga ana e vlerësimit është edhe rasti i një shkolle profesionale që ka dalë shumë keq. Psh në një situatë në një shkollë profesionale të një qyteti të njohur nga 60 nxënës vetëm dy kanë marrë notën 5 kurse të tjerët kanë marrë katra. Pra unë shikoj detaje që në këtë shkollë edhe në provimin e gjuhës së huaj kryesisht edhe për matematikën kanë dalë shumë keq. Pra a ka aty mësues matematike”, tha Vejsiu/E.T-CNA.al

Lajmet e fundit nga