LEXO PA REKLAMA!

SHKARKO APP

"Edhe peneli do e thotë fjalën e tij"/ Artistja 80-vjeçare, Koçibelli çel ekspozitën në Korçë

22 Tetor 2023, 14:36, Qyteti im CNA
"Edhe peneli do e thotë fjalën e tij"/ Artistja
Artistja Krisanthi Koçibelli

Është 80 vjeçe, por dashuria dhe pasioni i saj për pikturën nuk njeh moshë!

"Edhe peneli do e thotë fjalën e tij" - kështu e ka quajtur ekspozitën artistja Krisanthi Koçibelli. Kjo ekspozitë u çel pasditen e së shtunës në qytetin e Korçës, ku dhjetëra pjesëmarrës kanë shijuar punimet e korçares së njohur.

Për publikun u ekspozuan 50 punime me tematika të ndryshme, ndërsa në koleksionin e saj, Koçibelli numëron më tepër se 250 të tilla. Frymëzimin më të madh, ajo e ka gjetur në qytetin e saj, pavarësisht se në çdo vend që ka shkelur, nuk e ka lënë mënjanë penelin dhe dashurinë për pikturën.

Përgjatë viteve të jetës, ajo ka hedhur në telajo shumë objekte dhe elementë të Korçës së vjetër. Dëshira më e madhe e saj është të lërë pas rrugicat me kalldrëm, si karakteristikë e Korçës, si edhe ndërtesat me arkitekturën e veçantë. Ndërsa për më tepër se 3 dekada ajo nuk ka ndaluar me krijimtarinë e saj aq të vyer për artin./ CNA

Lajmet e fundit nga