LEXO PA REKLAMA!

SHKARKO APP

U arrestua në prag zgjedhjesh/ Luan Baçi: Nuk kam qenë dakord për kandidaturën e Belerit

16 Maj 2023, 20:30, Politikë CNA

U arrestua në prag zgjedhjesh/ Luan Baçi: Nuk kam qenë dakord

Deputeti i Partisë Demokratike, Luan Baçi ka deklaruar se ka qenë gjithnjë kundër kandidimit të Fredi Belerit në Himarë.

Në një intervistë për Euronews Albania, Baçi u shpreh ndër të tjera se nuk ka pasur asnjë simpati për Belerin dhe se do të preferonte që në zgjedhjet e 14 majit t’u përfaqësontë një kandidat i Partisë Demokratike.

Për sa i përket arrestimit të tij në prag zgjedhjesh, Baçi e ka cilësuar këtë ngjarje si të inskenuar.

“Nuk kam qenë dakord që Beleri të ishte kandidat në Himarë. Do të doja të ishte një kandidat i Partisë Demokratike. Ky është një mendimi im personal dhe nuk kam as ndonjë simpati për Belerin, por duke parë veprimet që janë kryer më duhet të pozicionohem dhe të them të vërtetën. Është e dukshme, nëse Rama do të kishte pranuar, nuk do të kishte folur, do të kishte mbajtur qëndrimin që duhet të mbajë kryeministri, por një kryeministër që del në media dhe thotë që unë do të merrem personalisht me të gjithë ata që duan të vënë Belerin aty, absolutisht është e inskenuar. Po falsim për një njeri që e ka problem dukjen e asaj që do të bëjë. Ai do që ta dinë njerëzit, që ai e bën një gjë të tillë, që nuk ka frikë fare nga askush dhe deliri i madhështisë që ka Rama tashmë është i ditur, Rama nuk do t’ia di,” u shpreh ai./CNA.al

Lajmet e fundit nga