LEXO PA REKLAMA!

SHKARKO APP

E fundit!

x

Premtoi rritje pagash dhe pensionesh/ Kume: Rama po vepron kundër ligjit

29 Mars 2023, 19:52, Politikë CNA

Premtoi rritje pagash dhe pensionesh/ Kume: Rama po vepron kundër ligjit

Ish-kreu i Komisionit Qëndror të Zgjedhjeve (KQZ), Kristaq Kume është shprehur se premtimet që ka dhënë Rama janë në kundështim me ligjin në Kodin Zgjedhor.

Gjatë një interviste me gazetaren, Sonila Meço, Kume u shpreh se ky ligj parashikon masa administrative për shkeljet që po bën qeveria me rritjen e pensioneve ose investimet.

Ish-kreu i KQZ  ka theksuar gjithashtu se në rast se këto shkelje ndikojnë në rezultat atëherë kemi një ndjekje penale.

"Kryeministri tha se pavarësisht Kodit Zgjedhor dhe çfarë shkruhet në atë qeveria do të bëjë punët e saja edhe pse Kodi Zgjedhor është një produkt i kësaj qeverie. Përgjigjja është se ne kemi rënë dakord  me ato që shkruhen në Kodin Zgjedhor, por ajo se çfarë bëjmë ne më pas, pak rëndësi ka.

Ligji parashikon sanksione dhe ato janë administrative, ligji është evaziv dhe nuk e konsideron atë një shkelje penale sepse thuhet se në qoftëse shkelja ndikon ndjeshëm në rezultatin e zgjedhjeve ajo mund të bëhet objekt i një hetimi penal, por kush është ai që e gjen se sa kanë peshuar vendimet e qeverisë në rezultat në fund.

Në 4 muaj nga data e zgjedhjeve nuk duhet që të bëhen investime ose të merren vendime që ndikojnë në rezultatin e zgjedhjeve siç e thotë pika 4 e nenit 91 në Kodin Zgjedhor", tha ai./CNA

Lajmet e fundit nga