web counter
LEXO PA REKLAMA!

SHKARKO APP

App Store
Google Play

“Nuk duhet të jem aty”/ Berisha: Prania ime dëmton fibrën më të fuqishme të protestës

13 Qershor 2026, 12:59, Politikë CNA

“Nuk duhet të jem aty”/ Berisha: Prania ime dëmton

Kryetari i Partisë Demokratike, Sali Berisha, ka deklaruar se nuk do të marrë pjesë fizikisht në protestën e thirrur nga qytetarët, duke argumentuar se prania e tij do të cenonte karakterin qytetar të saj.

Berisha tha se protesta ka marrë përmasa të rëndësishme dhe se duhet të mbetet larg identifikimit partiak. Ai bëri të ditur se ka udhëzuar drejtuesit dhe anëtarët e Partisë Demokratike që të marrin pjesë vetëm si qytetarë.

“Fizikisht aty nuk është vendi im, sepse është protestë qytetare. Unë kam porositur të gjithë anëtarët dhe drejtuesit e PD-së që në atë shesh të jenë vetëm si qytetarë. Prania ime aty dëmton fibrën më të fuqishme të protestës, fibrën qytetare”, u shpreh Berisha.

Sipas kreut demokrat, protesta ka fituar një mbështetje të gjerë qytetare, ndaj ajo duhet të ruajë natyrën e saj dhe të mos humbasë identitetin që e ka bërë të rëndësishme.

Berisha theksoi se do ta mbështesë protestën me të gjitha mjetet politike, por pa qenë i pranishëm në shesh./ CNA





Lajmet e fundit nga