Veliaj përmes Arta Dades refuzon “antimitingun” e Edi Ramës

12 Qershor 2026, 14:53, Politikë CNA

Veliaj përmes Arta Dades refuzon “antimitingun” e Edi

Ish-ministrja e Jashtme, Arta Dade, ka refuzuar publikisht ftesën e kryesocialistit Edi Rama për të marrë pjesë në aktivitetin e 35-vjetorit të themelimit të Partisë Socialiste.

Sipas Dades, PS-ja nuk ka qenë kurrë një forcë që organizon kundërprotesta me presion administrativ.

"Nuk bëhem pjesë e antimitingut"/ Arta Dade refuzon Ramën: PS është tjetërsuar
12 Qershor, 14:11

Por çfarë fshihet pas këtij refuzimi nga ish-ministrja?

Arta Dade njihet si një mbështetëse e Erion Veliajt, një socialiste e vjetër.

Djali i saj Alban Dabulla i cili është dhe botues mediash është njeri i lidhur me Erion Veliajn, ka bashkëpunim biznesi dhe investimesh me kryebashkiakun e Tiranës, mbi të cilin rëndojnë 13 akuza të rënda penale.

Ditën e kontrolleve në shtëpinë e Veliajt, Alban Dabulla është para me disa avokatë në shtëpinë e kryebashkiakut të arrestuar të Tiranës.

Veliaj përmes Arta Dades refuzon “antimitingun” e Edi

Në foto, Alban Dabulla

Në foton e mësipërme duket biznesmeni Alban Dabulla në apartamentet e Erion Veliajt, që ndodhen në zonën e Kodrës së Diellit, gjatë kohës së kontrolleve nga Byroja Kombëtare e Hetimit.

Biznesmeni është shfaqur përpara shtepisë së Veliajt, më datë 6 dhjetor të vitit 2024, siç e tregon edhe ky material fotografik i siguruar nga CNA. Kjo është data kur u krye kontrolli nga BKH në apartamentet e Veliajt.

Në atë datë, Veliaj ndodhej në Hamburg të Gjermanisë, për një vizitë dy ditore, gjatë së cilës zhvilloi takime si pjesë e detyrës me Kryebashkiakun e Parë të Hamburgut, Peter Tschentscher.

Veliaj në Hamburg, 6 dhjetor 2024

Gjatë asaj dite, bashkëshortja e Veliajt, Ajola Xoxa, ndodhej në shtëpi dhe 5 oficerë të BKH-së u paraqitën për të kryer kontroll brenda banesës, gjatë së cilit sekuestruan edhe telefonin e saj celular.

Skema është e qartë.

Nga burgu i Durrësit, Erion Veliaj ka përdorur si instrument Alban Dabullën, djalin e ish-ministres Arta Dade, për qëndrimin që kjo e fundit ka zgjedhur të mbajë publikisht ndaj aktivitetit të socialistëve, pikërisht me qëllimin për të dëmtuar Edi Ramën.

Ky sulm është në vazhdën e sulmeve që Veliaj i inskenon nga qelia e burgut të Durrësit kundër Kryeministrit Edi Rama.

Veliaj, përmes influencerave, artistëve, mbështetësve të tij gjatë fushatës elektorale, po del përballë për të protestuar kundër Edi Ramës, po kërkon dorëheqjen e kryeministrit, duke përdorur këta skenarë si kërcënim për ta liruar atë nga burgu./ CNA