E fundit!

14:11 Politikë

"Nuk bëhem pjesë e antimitingut"/ Arta Dade refuzon Ramën: PS është tjetërsuar

Ish-ministrja e Jashtme dhe një ndër figurat historike të ...

Lobim apo arsye shëndetësore?/ Berisha sqaron të vërtetën e vendimit të DASH-it

12 Qershor 2026, 12:46, Politikë CNA

Lobim apo arsye shëndetësore?/ Berisha sqaron të

Kreu i PD-së, Sali Berisha, ka hedhur poshtë të gjitha spekulimet se vendimi për heqjen e "non grata"-s mund të kishte prapavijë lobimi apo arsye specifike shëndetësore.

Ai theksoi thelbin e çështjes, duke nënvizuar se gjithçka është produkt i përputhjes së plotë me ligjet e brendshme të Shteteve të Bashkuara të Amerikës dhe interesave të tyre.

Sipas Berishës, interpretimet e ndryshme mediatike vijnë nga njerëz që kërkojnë të ushqehen me mashtrimet e veta, ndërsa konfirmoi se kishte ndjekur rrugën zyrtare ligjore vetëm pas ndryshimit të administratës amerikane.

“Së pari, dua të falënderoj përzemërsisht edhe një herë administratën e presidentit Trump dhe sekretarin Marco Rubio për korrigjimin e një padrejtësie të administratës së mëparshme, të vendimit të bazuar në lobimin korruptiv të Edi Ramës dhe George Soros-it për ndalimin e hyrjes sime në Shtetet e Bashkuara.

Tani, dy gjëra do të theksoj. Departamenti i Shtetit ka dhënë përgjigjen më të qartë se nuk është në listë, është hequr nga lista e atyre që nuk mund të hyjnë në Shtetet e Bashkuara, ai dhe familjarët e tij.

Familjarët e tij. Dhe persona të tjerë që s'kanë lidhje me mua. Tani, edhe dje jua theksova. Sali Berisha s'ka qenë kurrë 'non grata'. Shpallja 'non grata' bazohet në Konventën e Vjenës. Kurse dizajnimi për moshyrje në territorin e Shteteve të Bashkuara ka në bazë një ligj të Kongresit të Shteteve të Bashkuara, pra është ligj i brendshëm.

Këtu le të jemi të qartë. Pse është bërë kjo ngatërresë? Është bërë kjo ngatërresë sepse për shumicën e njerëzve e morën të tillë dhe unë nuk kisha ndërmend të angazhohesha në beteja semantike, në një kohë kur unë po angazhohesha në thelbin e çështjes.

Thelbi i çështjes, zotëri, është ai që Departamenti i Shtetit deklaroi: se Sali Berisha mund të hyjë në Shtetet e Bashkuara, dhe ky vendim është marrë për interesat e Shteteve të Bashkuara. Pikë.

Së dyti, ky vendim nuk është vetëm për personin, por është edhe për familjen e tij. Çdo interpretim tjetër është i atyre që kërkojnë të ushqehen me mashtrimet e veta. Nuk kam bërë asnjë lloj kërkese, për asnjë lloj rrethane shëndetësore apo tjetër, siç duan të mashtrojnë ata që ushqehen me gënjeshtrat e tyre.

Kam bërë kërkesë, në gjykatë kam shkuar. Rast unik në historinë e planetit për këtë çështje, dhe nuk u jam drejtuar instancave shtetërore pas ndryshimit të administratës. Nuk i jam drejtuar, nuk u jam drejtuar para ndryshimit të administratës, ndonëse unë kisha njohje personale, duke filluar nga kreu i asaj administrate te punonjës të tjerë. Por nuk e kam bërë atë. Jo.

Pra, kjo është e vërteta. Çdo interpretim tjetër, lexoni ato sqarime që ka dhënë Departamenti i Shtetit për një seri mediash shqiptare”, tha Berisha./ CNA