web counter
LEXO PA REKLAMA!

SHKARKO APP

App Store
Google Play

E fundit!

x

Lajmet për komisionin “Ad-Hoc” “tërbojnë” Ramën

17 Mars 2024, 11:46, Politikë CNA
Lajmet për komisionin “Ad-Hoc” “tërbojnë”
Kryeministri Edi Rama

CNA ka raportuar për skemën e mazhorancës socialiste për të goditur SPAK-un ose të paktën për të ushtruar presion ndaj tij me komisionin “Ad-Hoc”.

Dalja e informacioneve ka shqetësuar jo pak kryeministrin Edi Rama, i cili ka detyruar të vetët të dalin dhe ta mohojnë, duke bërë kështu edhe deklarata kontradiktore.

Sot për komisionin “Ad-Hoc” ka folur vetë Rama, i cili duket se është “tërbuar” nga zbulimi i skemës.

Gjatë fjalës së tij në Asamblenë e PS-së, kreu i qeverisë tentoi të justifikohej, ashtu siç CNA ka raportuar më parë, duke thënë se mekanizmat e tij janë gjoja në emër të një transparence në kuadër të integrimit të Shqipërisë në BE.

“I gjithë debati i madh s’mund ta ketë gravitetin e vet përveçse në Kuvendin e Shqipërisë dhe zhvillimi i fundit për rikthimin e Parlamentit në normalitet si dhe krijimin nga Komisioni i Ligjeve të një mekanizmi që mundëson ballafaqimin e hapur dhe të barabartë mes shumicës dhe pakicës, për ndërmarrjen e nismave ligjore, përtej votave në dispozicion duhet të shkojë në drejtimin e duhur për Shqipërinë në përballjen e saj si shtet, jo thjeshtë si qeveri me sfidat kombëtare të procesit të anëtarësimit.

U fol këto ditë për pazare, marrëveshje me 'non grata'-n në dëm të drejtësisë dhe njohjen nga ana jonë të zotërisë në ballkon si lider i Partisë Demokratike, ashtu siç është folur lart e poshtë portaleve e socialeve, për trembje të socialistëve nga SPAK-u, për plane të fshehta dhe për vënien nën kontroll të drejtësisë së re. Të gjitha janë broçkulla që tregojnë se sa të vështirë e kanë një pjesë e bashkësisë sonë shqiptare e yshtur nga ata që dëgjon dhe ndjek në politikë, në media apo në mexhelisin e rrjeteve sociale, të kuptojë ose pranojë se PS e kësaj gjenerate po shkruan një kapitull të ri në historinë e marrëdhënieve të pushtetit politik me drejtësinë. Nëse nuk do donim drejtësi, do t'i kishim bërë të gjitha pazaret për ta ndaluar. Thonë e bëri SHBA, por e bëri PS, ishte në program që kur ishim në opozitë”, theksoi Rama./ CNA





16:20 Politikë

Palaçot e opozitës

Opozita është në rrugën e saj pa kthim të betejës jo k...

Lajmet e fundit nga