web counter
LEXO PA REKLAMA!

SHKARKO APP

App Store
Google Play

21 janari/ Basha: Nuk kam përgjegjësi

14 Mars 2024, 18:45, Politikë CNA
21 janari/ Basha: Nuk kam përgjegjësi
Lulzim Basha

Gjykata e Lartë urdhëroi Prokurorinë e Posaçme, që të regjistrojë një proces penal për ngjarjet e 21 janarit, ku u vranë 4 protestues.

Asokohe, ministër i Brendshëm ka qenë Lulzim Basha, por edhe pse jepte urdhra për Gardën e Republikës dhe komandonte Policinë e Shtetit, ndaj tij nuk ka asnjë hetim.

Basha është pyetur ditën e sotme në lidhje me 21 Janarin, por ai sërish nuk ka pranuar të mbajë përgjegjësi për 4 viktimat e ngjarjes së rëndë. 

Në një intervistë për Zërin e Amerikës, ai pretedoi se 21 Janari është lojë e pistë, që është përdorur për politikë, për përfitime të ngushta politike.

“Aspak (nuk i druhem hetimeve). Unë kam kërkuar prej fillimit një hetim të plotë dhe transparent. Sigurisht nuk komentoj asnjë vendim gjykate. Kanë kaluar 13 vite dhe është qartë besoj edhe për familjet e viktimave, që rasti është përdorur për politikë, për përfitime të ngushta politike. Mund të shohim madje edhe njerëz që janë akuzuar natën e 21 janarit, por që pastaj u graduan nga Partia Socialiste si kryetarë degësh apo kryetarë bashkish të Partisë Socialiste. Është një lojë e pistë edhe me gjakun e këtyre katër viktimave të pafajshme.

Dhe për këtë kam kërkuar prej ditës së parë një hetim të plotë dhe transparent, sepse unë personalisht nuk kam asgjë për të fshehur, apo për t’iu trembur dhe besoj se në këtë rast, si në çdo rast tjetër, drejtësia duhet të veprojë e papenguar nga politika dhe nga deklaratat politike dhe e pashfrytëzuar nga politika”, theksoi Basha, ndërsa përjashtoi mundësitë që një urdhër sulmi ta ketë dhënë ai./ CNA





16:20 Politikë

Palaçot e opozitës

Opozita është në rrugën e saj pa kthim të betejës jo k...

Lajmet e fundit nga