web counter
LEXO PA REKLAMA!

SHKARKO APP

App Store
Google Play

E fundit!

x

Bardhi: Bisedimet me mazhorancën nuk ishin marrëveshje

13 Mars 2024, 22:04, Politikë CNA
Bardhi: Bisedimet me mazhorancën nuk ishin marrëveshje
Nënkryetari i PD-së, Gazment Bardhi

Nënkryetari i PD-së, Gazment Bardhi ka refuzuar ta cilësojë si marrëveshje bisedimet mes tij dhe kreut të Grupit Parlamentar të PS-së, Bledi Çuçi.

Bardhi tha në emisionin e Eni Vasilit se marrëveshja përmban dakordësi për çështje përmbajtësore, ndërsa pretendon se nuk ka pasur asnjë negociatë për çështje të tilla.

Ai deklaroi se komisionet hetimore janë të parashikuara nga Kushtetuta dhe nuk bëhen marrëveshje për zbatimin e Kushtetutës.

“Siç parashikon Kushtetuta do të ngrihen komisionet Hetimore, të jeni të sigurt se opozita nuk do të lejojë asnjë pengim të hetimit parlamentar. Nëse ngrihen, ne do të respektojmë Kushtetutën dhe do të bëjmë gjithçka që kushtetuta të respektohet germë më germë.

Nuk është marrëveshje. Marrëveshja përmban dakordësi për çështje përmbajtësore. Ne nuk kemi asnjë dakordësi për çështje të tilla. Nuk bëhen negociata dhe marrëveshje për zbatimin e Kushtetutës. Nga shtatori 2021 deri në shtatorin 2023 janë kërkuar 8 komisione. Më 5 shtator kemi vendosur se cfarë komisionesh do të ngrihen në këtë sesion, atë të TIMS dhe asaj në shëndetësi. U bllokuan dhe kjo solli këtë reagim të opozitës”, theksoi nënkryetari i PD-së./ CNA





Lajmet e fundit nga