web counter
LEXO PA REKLAMA!

SHKARKO APP

App Store
Google Play

E fundit!

x

Rama rreh gjoksin nga Kukësi/ “Jemi oferta më e mirë”

12 Mars 2024, 19:30, Politikë CNA
Rama rreh gjoksin nga Kukësi/ “Jemi oferta më e mirë”
Kryeministri Edi Rama

Kryeministri Edi Rama pretendon se Partia Socialiste është oferta më e mirë që i ofrohet qytetarëve shqiptarë.

Rama tha në një takim me organizatat socialiste në Kukës se shqiptarët nuk bëjnë më tifozllëk, por shikojnë ofertat në garën elektorale.

Për këtë arsye, ai i la porosi socialistëve të fuqizojnë më shumë PS-në dhe të pranojnë çdo person në parti.

“Çdo skuadër sado e madhe që të jetë, kur mbaron një kompeticion dhe fiton një trofe, të nesërmen fillon stërvitja, për t’u përgatitur dhe për t’u përmirësuar sepse e nesërmja është një rifillim nga e para i rrugës për t’u ngritur më lartë. Dhe në këtë sens PS ka ditur të rifillojë herë pas here duke mbledhur eksperiencën, duke konsoliduar gjërat apo pjesë të organizimit të vetë që fuzionojnë, por duke kërkuar të përmirësojë dhe të transplantojë pjesë të organizimit që kërkojnë rigjenerim. Kjo është e domosdoshme dhe kjo kohë sot që ka hapur një portë të re është një kohë, e cila ka ndryshuar shumë edhe mënyrën sesi funksionon individi, njeriu i zakonshëm në një komunitet në raport me politikën. 

Ju e dini shumë mirë që gjithë ky territor ka qenë një arenë ku në të shumtën e herëve PS ka dalë e humbur. Sot jemi në një situatë krejt tjetër. Çka do të thotë që njerëzit kanë filluar të kuptojnë se në fund të ditës, kjo nuk është një çështje tifozllëku, kurse përkatësia me një parti politike ose me një forcë apo grup forcash politike është logjikë nuk është thjeshtë pasion. Njerëzit kanë filluar të kuptojnë që këtu duhet parë se çfarë ofertash kanë në këtë garë, si një garë ku bëhet një ofertë dhe hyjnë shumë aktorë që thonë: unë jam ai që do ta marr këtë ofertë se unë do ta realizoj më mirë këtë projekt. Kështu është edhe tërësia e ofertave në zgjedhje. Njerëzit zgjedhin ofertën më të mirë në një garë që hapet nga vetë populli përmes garancive që i jep Kushtetuta dhe ne duhet të bëjmë tonën dhe si parti. Çfarë do të thotë? Do të thotë që ne nuk duhet t’i  shohim njerëzit me sytë e së kaluarës. Të gjithë kanë të drejtë të ndryshojnë dhe të gjithëve i duhet dhënë mundësia që të jenë pjesë e jona nëse duan të jenë pjesë e jona.

Prandaj organizatat Socialiste janë aktive për të bërë anëtarësime të reja, për të përfshirë njerëz të tjerë, për të hapur derën dhe për të liruar ose për t’u ngushtuar pak që të tjerët të hyjnë në sofër kur i thonë fjalës që ne të jemi më të fortë. Ne na duhet të fuqizojmë PS që të fuqizojmë Shqipërinë dhe lidhja mes të dyjave është fuqia vendimmarrëse”, theksoi kreu i qeverisë./ CNA





Lajmet e fundit nga