web counter
LEXO PA REKLAMA!

SHKARKO APP

App Store
Google Play

E fundit!

x

Bardhi, pasuesi i Berishës në krye të PD?/ Gjekmarkaj: Dua "Babalen"

13 Mars 2024, 22:45, Politikë CNA
Bardhi, pasuesi i Berishës në krye të PD?/ Gjekmarkaj: Dua
Deputeti i Partisë Demokratike, Agron Gjekmarkaj

Deputeti i Partisë Demokratike, Agron Gjekmarkaj, u pyet në emisionin e Erla Mëhillit nëse mendon se  Gazment Bardhi do të jetë pasues i Sali Berishës në krye të PD-së.

Gjekmarkaj tha se nuk është etike, të flitet për një lider të ri, ndërkohë që janë bashkuar rreth liderit të vjetër.

Megjithatë, ai nuk hezitoi të kërkojë sërish deputetin "Babale", Ervin Salianjin si pasues të Berishës.

Ai pretendoi se "Babalja" ka merita në Partinë Demokratike.

“Nuk është etike, kur ne e kemi liderin dhe e kemi në arrest shtëpie. Ky aksion filloi nga grupi që asokohe konsiderohej grupi i Gazment Bardhit, grup i ndërmjetëm. Nuk ishte i lehtë të ndërmerrej e as të udhëhiqej. Zoti Bardhi ka një meritë jo të vogël, por meritë kanë edhe të tjerët, si zoti Salianji.

Unë nuk mund të krenohem sepse nuk kam qenë zë i protestës, megjithëse e kam mbështetur mediatikisht, por psikologjikisht unë nuk jam personi që mund ta bëj, në këtë aspekt ndihem pak inferior ndaj kolegëve.

Bardhi po e çon drejt stabilizimit dhe drejt dialogut politik, kjo tregon për një rritje të vazhdueshme. Përderisa zoti Berisha ja beson, ja njeh këtë statur dhe ndryshe ajo që mua më ka bërë përshtypje, ishte se në fushatën e 2021, zoti Basha nuk i rriste kurrë vartësit e tij”, tha Gjekmarkaj./ CNA





Lajmet e fundit nga