web counter
LEXO PA REKLAMA!

SHKARKO APP

App Store
Google Play

Ish-kreu i IMT-së lë qelinë/ Këlliçi: Banda "5D" e Erion Veliajt, ndër format brutale të hajdutërisë në historinë e Tiranës

30 Qershor 2026, 16:56, Politikë CNA

Ish-kreu i IMT-së lë qelinë/ Këlliçi: Banda

Deputeti demokrat, Belind Këlliçi, reagoi pak minuta më parë lidhur me ndryshimin e masës së sigurisë për ish-drejtorin e IMT-së, Mariglen Qato, një nga të pandehurit e dosjes “5D”.

Përmes një postimi në rrjetet sociale, Këlliçi shprehet se më këtë vendim, nuk po lë qelinë një individ i zakonshëm, por një ish-drejtues që vinte gjoba kur ishte në krye të institucionit dhe ndante tenderat e Bashkisë së Tiranës me shokët e tij.

Sipas deputetit, një anëtar i bandës “5D”  të kryebashkiakut të arrestuar të Tiranës Erion Veliaj, del nga qelia ndërsa brenda komisariateve po përfundojnë sot qytetarët që protestojnë kundër korrupsionit.

“Ditën që la qelinë për të qendruar në arrest shtëpie Maringlen Qato, një nga eksponentët kryesorë të bandës 5D, janë futur brenda në komisariatet e Tiranës të rinjtë që protestojnë kundër korrupsionit të qeverisë.

Kjo ndodh me Edi Ramën.

Lë burgun ai që vinte gjoba në krye të IMT dhe ndante tenderat e bashkisë me shokët e tij, dhe shoqërohen me dhunë ata që protestojnë kundër abuzimit me pushtetin dhe që kërkojnë drejtësi.

Banda 5D e Erion Veliajt ishte një nga format më brutale të hajdutërisë në historinë e Tiranës.

Nuk ishin më të kënaqur me përqindjet që merrnin për çdo prokurim, dhe drejtorët kryesorë të Veliajt vendosën të krijonin vetë një kompani e të merrnin gjithë fondet e bashkisë.

I kam denoncuar që ditën e parë dhe beteja që unë dhe Opozita bëmë me 5D dhe shefin e tyre, ishte një qëndresë e vendosur që solli më në fund reagimin e drejtësisë.

Qato nuk është i pari anëtar i 5D që del nga qelia.

Këto lehtësime nuk ndihmojnë aspak në nevojën që ka vendi për të luftuar korrupsionin pa asnjë kompromis”,-shprehet Këlliçi./CNA

 





Lajmet e fundit nga