web counter
LEXO PA REKLAMA!

SHKARKO APP

App Store
Google Play

E fundit!

x

"IA revolucion administrativ"/ Rama: Algoritmi nuk ka ndërgjegje, por gjithashtu nuk ka miq dhe kushërinj

1 Korrik 2026, 13:54, Politikë CNA

"IA revolucion administrativ"/ Rama: Algoritmi nuk ka ndërgjegje,

Kryeministri Edi Rama mori pjesë në Forumin Europian të Inovacionit dhe Sipërmarrjes të zhvilluar në Dyseldorf të Gjermanisë. Në fjalën e mbajtur Rama u ndal te shërbimet digjitale ku tha se Inteligjenca Artificiale u soll për të forcuar institucionet dhe jo për të zëvendësuar njerëzit.

Rama tha se demokracia e një shteti nuk mund t’i delegohet algoritmit, pasi përgjegjësia dhe llogaridhënia mbeten njerëzore. Më tej, në fjalën e tij, kryeministri u shpreh se vërtet algoritmi nuk ka ndërgjegje, por nuk ka aq miq dhe kushërinj apo të bëjë sikur nuk i sheh gjërat.

Duke mos shmangur as batutat, Rama tha se ëndërron që ta përforcojë sistemin e IA në aspektin administrativ dhe më pas t’ia shesin Gjermanisë.

 

“IA-në e sollëm për të rikonceptuar, jo për të zëvendësuar njerëzit, por për të forcuar institucionet. Ëndrra ime është që ta përforcojmë dhe pasaj t’ia shesim Gjermanisë.

Një sistem prokurimi i IA-së. Më thanë që duhet të flas shkurt, edhe pse nuk është ide e mirë. Demokracia nuk mund t’i delegohet një algoritmi. Përgjegjësia e llogaridhënia mbeten njerëzore. Algoritmi nuk ka ndërgjegje, por gjithashtu nuk ka miq dhe kushërinj. Nuk mund të marrë telefonata, të vendosë që do të bëjë sikur nuk sheh.

Nuk e zgjodhëm emrin Diella rastësisht, dielli nuk i pranon hijet. IA shpesh përshkruhet si revolucion i ardhshëm industrial, por mendoj se është i paplotë pasi për qeveritë është revolucion i ardhshëm administrativ”, tha Rama.





Lajmet e fundit nga